ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

… तोवर पीएमपीएलला पैसे देणार नाही, स्थायी समिती निर्णयावर ठाम

पिंपरी, दि. १ - पिंपरी-चिंचवड महापालिका श्रेत्रात पीएमपीएमएलच्या १४८ बस धावतात. त्यापैकी २४ बस गाड्या एकादिवशी बंद पडल्या होत्या. त्याचे उत्पन्न बुडाले आहे. याबाबतची माहिती मागविली असता पीएमपीएमएल व्यवस्थापन ती देण्यास टाळाटाळ करत असल्याचा, आरोप स्थायी सदस्यांनी केला. तसेच लोकप्रतिनीधींच्या तक्रारी ऐकून घेण्यासाठी पीएमपीएलचे अध्यक्ष तुकाराम मुंडे जोवर पिंपरी महापालिकेत येत नाहीत, तोवर पीएमपीएला छदामही देणार नाही, अशी ठाम भूमिका स्थायी समितीने घेतली आहे. 

पिंपरी-चिंचवड महापालिकेची काल (बुधवारी) साप्ताहिक सभा पार पडली. विषयपत्रिकेवक पीएमपीला पैसे देण्याचा विषय होता. 

पिंपरी-चिंचवड शहरातील पीएमपीएलचे अनेक मार्ग बदलले आहेत. ते सुरळीत झाले पाहिजेत. त्यामुळे शहरातील नागरिकांचे हाल होत आहेत. पीएमपी बाबत अनेक नगरसेवकांच्या तक्रारी आहेत. पीएमपीएलच्या अधिका-यांनी आमच्या तक्रारी ऐकून घेतल्या पाहिजेत, असे स्थायी समिती अध्यक्षा सीमा सावळे म्हणाल्या. तसेच त्यांचे विषय थांबविल्यामुळे तरी समस्या ऐकूण घेण्यासाठी पीएमपीचे अधिकारी पिंपरी पालिकेत येतील असेही त्या म्हणाल्या. 

स्थायी समितीच्या बैठकीला दरवेळी नवीन अधिकारी येतात. स्थायी समितीच्या बैठकीला सक्षम अधिकारी आणि पालिकेच्या सर्वसाधारण सभेला स्वत: पीएमपीचे अध्यक्ष तुकाराम मुंडे यांनी हजर राहणे गरजेचे आहे. याबाबत आपण मुंडे यांना तसे पत्र दिल्याचेही, सावळे यांनी सांगितले. तसेच प्रशासनाच्या वतीने आयुक्तही पत्र देणार असल्याचे, त्यांनी सांगितले.

महापालिका पीएमपीएमएला पैसे देते. पैसे देण्यास महापालिकेचा कसलाच विरोध नाही. पंरतु, आमच्या तक्रारी ऐकून घेण्यासाठी पीएमपीचे अध्यक्ष मुंडे यांनी महापालिकेत आले पाहिजे. आमच्या अडी-अडचणी, तक्रारी ऐकूण घेतल्या पाहिजेत. त्यामुळे जोपर्यंत तुकाराम मुंडे पालिकेत येत नाहीत, तोपर्यंत पालिका पीएमपीएलला पैसे देणार नसल्याचे, सावळे यांनी स्पष्ट केले.