ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आयुक्तांच्या लेखी आश्वासनानंतर उरुळी आणि फुरसुंगी ग्रामस्थांचे आंदोलन मागे

पिंपरी, दि. ९ - उरुळी देवाची आणि फुरसुंगी येथील ग्रामस्थांनी आज पुन्हा कचरा डेपो येथे आंदोलानाचे अस्त्र उगारल्या नंतर महापालिका आयुक्त कुणाल कुमार यांनी कचरा डेपो येथे जाऊन ग्रामस्थांशी चर्चा केली. कचरा डेपोसाठी जमिनी दिलेल्या ग्रामस्थांच्या वारसांना तीन महिन्यात नोकरी देण्याच्या लेखी आश्वासनानंतर ग्रामस्थांनी आंदोलन स्थगित केले.

मागील महिनाभरापूर्वी महापालिकेने कचरा डेपो बंद करावा. यासाठी ग्रामस्थांनी आंदोलनाचे अस्त्र उगारले होते. मुख्यमंत्र्यांच्या मध्यस्थीनंतर ग्रामस्थांनी कचरा टाकण्यास परवनगी दिली. तर त्यानंतर एक महिन्यात कचराबाबत आराखडा तयार करण्यात येईल, असे आश्वासन मुख्यमंत्र्यांनी त्या बैठकीत ग्रामस्थांना देण्यात आले होते. त्यानंतर त्यांनी आंदोलन मागे घेतले. मात्र, महिनाभरात योग्य भूमिका घेतल्यास पुन्हा आंदोलन उभारणार, असा इशारा त्यांनी दिला होता.

त्यानुसार काल महापौर मुक्ता टिळक यांनी मुख्यमंत्री देवेंद्र फडणवीस यांना पुणे शहराच्या कचरा प्रश्नाचा आराखडा सादर केला. प्रकल्पग्रस्त ग्रामस्थांच्या मुलांना महापालिकेत नोकरी देण्याचा निर्णय दोन महिन्यात घेण्यात येणार आहे. तसेच कचरा डेपोच्या असलेल्या एकूण १६५ एकर जागेपैकी २५ ते ३० टक्के जागा मोकळी करून ती फुरसुंगी उरुळी देवाची ग्रामस्थांसाठी सार्वजनिक हिताच्या कामांसाठी देण्याचा निर्णय लवकरच घेतला जाईल, असे आश्वसन आज मुख्यमंत्री देवेंद्र फडणवीस यांनी दिले. तरी लेखी आश्वसन दिल्याने आज ग्रामस्थांनी कचरा डेपो येथे बैठक आयोजित केली होती. ग्रामस्थांचा पवित्रा लक्षात घेता महापालिका आयुक्त कुणाल कुमार यांनी ग्रामस्थांशी सविस्तर चर्चा करित ग्रामस्थांच्या वारसांना तीन महिन्यात नोकरी देण्याचे लेखी आश्वासन दिल्याने ग्रामस्थांनी आंदोलन स्थागित केले.