ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

महापालिकेचे मुख्य लेखापाल लाच कोणासाठी मागतात – रमेश वाघेरे

पिंपरी, दि. २८ - पिंपरी-चिंचवड महापालिकेचे मुख्य लेखापाल राजेश लांडे हे बिलांचे पैसे अदा करण्याच्या बदल्यात ठेकेदारांकडून टक्के रक्कम कोणासाठी मागत आहेत?, असा सवाल सामाजिक कार्यकर्ते रमेश वाघेरे यांनी उपस्थित केला आहेत. तसेच याप्रकरणाची सखोल चौकशी करुन दोषी आढळणा-यांवर कडक कारवाई करण्याची मागणी त्यांनी पालिकेकडे केली आहे.

याबाबत महापालिका आयुक्त श्रावण हर्डीकर यांना निवेदन दिले आहे. त्यात वाघेरे यांनी म्हटले आहे की, मुख्य लेखापाल लांडे हे बीलांचे पैसे अदा करण्याच्या बदल्यात टक्के मागत असल्याच्या तक्रारी ठेकेदारांनी थेट पंतप्रधानांच्या संकेतस्थळावर केल्या आहेत. लांडे हे ठेकेदारांकडून टक्के नेमके कोणासाठी मागत आहेत.

स्थायी समितीने तब्बल १६० कोटी रुपयांची ठेकेदारांची बिले अडविली आहेत. त्यामुळे मुख्य लेखापाल लांडे हे बिलांचे पैसे देण्यासाठी टक्के नेमके कोणासाठी मागत आहेत. याबाबत संशय निर्माण झाला आहे. लांडे यांनी टक्के स्थायी समितीच्या सांगण्यावरुन मागितले आहेत का? याची सखोल चौकशी करण्याची मागणी वाघेरे यांनी केली आहे. तसेच यामध्ये जे दोषी आढळतील त्यांच्यावर कडक कारवाई करण्याची, मागणीही त्यांनी आयुक्त हर्डीकर यांना दिलेल्या निवेदनात केली आहे.