ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शास्तीकराऐवजी मूळ मिळकतकर भरण्याची सुविधा, स्थायीमध्ये ठराव

पिंपरी, दि. १३ - पिंपरी-चिंचवड शहरातील नागरिकांकडून शास्तीकराऐवजी मूळ मिळकतकर भरून घेण्यात येणार आहे. याबाबतचा ठराव बुधवारी (दि.१२) रोजी झालेल्या स्थायी समितीमध्ये एकमताने मंजूर करण्यात आला.

पिंपरी-चिंचवड महापालिका प्रशासनामार्फत शास्तीकर भरण्यासाठी नागरिकांना वेठीस धरले जात असल्याने स्थायी समिती सभेत सदस्यांनी संताप व्यक्त केला. मिळकतकर भरण्यासाठी येणा-या नागरिकांकडून आधी शास्तीकर वसूल केला जात असल्याचे नगरसेवकांनी निदर्शनास आणून दिले.

शहरात २००८ नंतर विनापरवाना बांधण्यात आलेल्या बांधकामांना अनधिकृत बांधकाम ठरविण्यात आले आहे. या बांधकामांना मूळ मिळकतकराच्या तिप्पट शास्तीकर कर लावण्यात आला आहे. पिंपरी-चिंचवड महापालिका हद्दीत २००८ नंतर ६६ हजारांहून अधिक अनधिकृत बांधकामे आहेत. त्यामध्ये नवीन आणि वाढीव बांधकामांचाही समावेश आहे. हे बांधकामधारक मिळकतकर भरण्यासाठी महापालिकेच्या कार्यालयात गेल्यास त्यांच्याकडून आधी शास्तीकर वसूल केला जात आहे. शास्तीकर भरल्यास मिळकतकर घेतला जात नाही.

हा मुद्दा स्थायी समितीत नगरसेवकांनी उपस्थित केला. मूळ मिळकतकर भरून घेतल्यास महापालिकेच्या उत्पन्नावर परिणाम होण्याची भीती नगरसेवकांनी व्यक्त केली. प्रशासनाने नागरिकांची अडवणूक करुन नये, अशी भूमिका नगरसेवकांनी घेतली. हर्षल ढोरे यांनी नागरिकांकडून शास्तीकर वगळून मूळ मिळकतकर घेण्याचा ठराव मांडला. त्याला एकमताने स्थायी समितीने मंजुरी दिली.