ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आयुक्तांनी महिन्यातून एकदा जनता दरबार घेतला पाहिजे - महापौर

पिंपरी, दि. १५ - पिंपरी–चिंचवडमधील जनतेचे प्रश्न सोडविण्यासाठी महापौर महापालिका आयुक्तांनी महिन्यातून एखदा जनता दरबार घेण्याची मागणी निगडीतील डॉ. बी. आर. आंबेडकर ग्रुपने पालिकेकडे केली आहे. दरम्यान, जनता दरबार घेण्याची मागणी योग्य आहे. याची अंमलबजावणी करण्याच्या सूचना प्रशासनाला देणार आहे, असे महापौर नितीन काळजे यांनी सांगितले.

याबाबत ग्रुपचे अध्यक्ष सतीश कदम यांनी महापौर नितीन काळजे व आयुक्त श्रावण हर्डीकर यांना निवेदन दिले आहे. त्यात त्यांनी म्हटले आहे की, नागरिकांच्या समस्या जागेवर सुटल्या पाहिजेत. जनता दरबाराच्या माध्यमातून महापौर आणि आयुक्तांना समस्या समजतील. जनता दरबारात असंख्य नागरिक आपल्या समस्या घेऊन येतात. त्यांच्या समस्या तत्काळ सोडविण्यास प्राधान्य देण्यासाठी तसेच नागरिकांनी केलेल्या सूचनांवर लगेच कार्यवाही करता येईल. शहरातील नागरिकांच्या समस्या प्रशासनाला समजतील. तसेच त्या विषयांवर धोरणात्मक निर्णय घेण्यासाठी ते विषय महासभेपुढे आणता येतील.

चार सदस्यीय प्रभाग पद्धतीने पिंपरी पालिकेची निवड झाली. त्यामुळे अनेक प्रभागात वेगवेगळ्या राजकीय पक्षाचे चार नगरसेवक निवडून आले आहेत. प्रभागातील नागरिक एखाद्या नगरसेवकांकडे तक्रार घेऊन गेल्यास दुस-या नगरसेवकाकडे पाठविले जाते. नगरसेवक एकमेकांकडे बोट दाखवून काम करण्यास टाळाटाळ करत आहेत. नगरसेवकांच्या राजकारणामुळे नागरिकांचे प्रश्न सुटत नाहीत.

तसेच त्या परिसरातील मतदारांनी आपल्याला मतदान केले नाही. त्यामुळे तेथे कोणत्याही प्रकारची विकासकामे केली जाणार नाहीत. याबाबत कोणाकडेही तक्रार करा, अशी उत्तरे नगरसेवकांकडून ऐकायला मिळतात. त्यामुळे नागरिक मुलभूत सुविधांपासून वंचित राहत आहेत, असे निवेदनात म्हटले आहे. त्यामुळे महापौर आणि आयुक्तांनी महिन्यातून एकदा जनता दरबार घेऊन नागरिकांचे प्रश्न समजावून घ्यावेत, अशी मागणी कदम यांनी केली आहे.

याबाबत बोलताना महापौर नितीन काळजे म्हणाले, जनता दरबार घेण्याची मागणी योग्य आहे. जनता दरबारात शहरातील असंख्य नागरिक सहभागी होतील. त्यांच्या समस्या तसेच शहरातील विविध समस्या प्रशासनाला समजतील. त्याची सोडवणूक करण्यासाठी त्याचा फायदा होणार आहे. याबाबत आपण सकारात्मक असून त्याची अंमलबजावणी करण्याच्या सूचना प्रशासनाला देण्यात येथील, असेही त्यांनी सांगितले.