ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सोनिया गांधींचा प्रस्ताव शरद पवारांनी फेटाळला

मुंबई, दि. १८ - राष्ट्रपतीपदाच्या निवडणुकीच्या तोंडावर काँग्रेसला धक्का बसला आहे. राष्ट्रवादी काँग्रेसचे सर्वेसर्वा शरद पवार यांनी राष्ट्रपती निवडणुकीत उमेदवार बनण्याचा प्रस्ताव काँग्रेस अध्यक्षा सोनिया गांधी यांनी ठेवला होता. मात्र शरद पवार यांनी हा प्रस्ताव धुडकावला आहे.

पत्रकारांशी बातचीत करताना नवाब मलिक यांनी दावा केला आहे की, “हा प्रस्ताव स्वत: सोनिया गांधींनी शरद पवारांसमोर ठेवला होता, जो पवारांनी फेटाळला. महत्त्वाचं म्हणजे राष्ट्रपतीपदाची निवडणूक लढवणार नाही, असंच शरद पवार कायम सांगत आले आहेत.”

राष्ट्रवादीचा प्रयत्न आहे की, यूपीएच्या सर्व घटकपक्षांनी राष्ट्रपतीपदाच्या निवडणुकीत एक संयुक्त उमेदवार द्यावा,” असं नवाब मलिक म्हणाले. शरद पवारांनी राष्ट्रपतीपदाची उमेदवारी घ्यावी, अशी यूपीएच्या अनेक नेत्यांची इच्छा आहे. परंतु काही दिवसांपूर्वी मुंबईत पक्षाच्या कार्यकर्त्यांना संबोधित करताना शरद पवार म्हणाले होते की, “एनडीएकडे राष्ट्रपदीपदासाठी स्वत:चे उमेदवार जिंकवण्यासाठी आवश्यक बहुमत आहे. त्यामुळे या निवडणुकीत मोठे उलटफेर होण्याची शक्यता नाही.”

दुसरीकडे, यूपीएकडून राष्ट्रपतीपदासाठी संयुक्त उमेदवार देण्याबाबत बातचीत सुरु आहे. यासंदर्भात पश्चिम बंगालच्या मुख्यमंत्री ममता बॅनर्जी यांनी सोनिया गांधींची भेट घेतली होती. यानंतर ममतांनी दिल्लीचे मुख्यमंत्री अरविंद केजरीवाल यांचीही भेट घेतली. दोघांमध्ये विविध मुद्द्यांसह राष्ट्रपती निवडणुकीचीही चर्चा झाली.