ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

डॉनच्या नातलगाच्या लग्नात मंत्री, आजी-माजी आमदार, खासदारांची उपस्थिती

नाशिक, दि. २४ - नाशिकचे पोलिस आयुक्त डॉ. रवींद्रकुमार सिंगल यांनी अंडरवर्ल्ड डॉन दाऊद इब्राहिमच्या नातलगाच्या लग्नाचीदावतखाणारे सहायक पोलिस आयुक्त सचिन गोरे, वरिष्ठ पोलिस निरीक्षक मधुकर कड, सोमनाथ तांबे यांच्यासह इतर काही पोलिस अधिकाऱ्यांची कर्मचाऱ्यांची चौकशी सुरू केली असून या पोलिसांची आयबी या गुप्तचर संस्थेकडूनही चौकशी केली जाणार असल्याची माहिती सूत्रांनी दिली.

आठ दिवसांपूर्वी दाऊदचे नातलग असलेल्या नाशकातील बड्या असामीच्या पुतणीच्या झालेल्या लग्न सोहळ्यास पालकमंत्री गिरीश महाजन यांच्यासह तीन स्थानिक आमदार, महापौर, उपमहापौर यांच्यासह आजी-माजी आमदार, खासदारांनी हजेरी लावली. यात सहायक आयुक्त सचिन गोरे, वरिष्ठ निरीक्षक मधुकर कड, सोमनाथ तांबे, संजय देशमुख, समशेरखान पठाण, मनोज शिंदे, हनुमंत वारे, कांतीलाल चव्हाण, विनोद केदार आणि विजय लोंढे आदींचा समावेश आहे. दाऊदचा भाऊ इक्बाल कासकर याच्यासह अंडरवर्ल्डमधील काही बडे लोकही या सोहळ्यात उपस्थित असल्याचा संशय आहे.

या शाही सोहळ्याचे चित्रीकरण उपलब्ध झाले असल्याचे सूत्रांनी सांगितले. या सोहळ्याचे फोटो सोशल मीडियावर काही पोलिसांनीच पसरवल्यानंतर प्रकरण उघडकीस आल्याचे सांगण्यात येते. शहर खतीब यांच्याकडून अधिकाऱ्यांना निमंत्रण पत्रिका देण्यात आली असल्याची माहिती आहे. जे अधिकारी, कर्मचारी या सोहळ्यास गेले त्यांची चौकशी सुरू आहे, अशी माहिती पोलिस उपायुक्त लक्ष्मीकांत पाटील यांनी दिली.