ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सुप्रिया सुळेंचे शिवसेनेला आव्हान, हिंमत असल्यास सत्तेतून बाहेर पडा

परभणी, दि. २४ - राष्ट्रवादी कॉंग्रेसच्या खासदार सुप्रिया सुळे यांनी कर्जमाफीच्या मुद्यावर दोन दगडावर पाय ठेवून सुखसोयींसाठी मंत्रिपद भोगणाऱ्या शिवसेनेने हिंमत असेल तर सत्तेतून बाहेर पडावे, असे खुले आव्हान येथे केले आहे. सध्याच्या सरकारचे कान बंद असून झोपेचे सोंग घेणारे हे सरकार अजून किती शेतकऱ्यांच्या आत्महत्यांची वाट पाहणार आहेत, असा प्रश्नही यावेळी त्यांनी उपस्थित केला आहे.

बुधवारी येथील राष्ट्रवादी भवनात खासदार सुळे यांच्या हस्ते यशस्विनी अभियान यशवंतराव चव्हाण प्रतिष्ठाण यांच्या वतीने जिल्ह्यातील २५ विधवा महिलांना रोजगार साहित्याचे वाटप करण्यात आले.त्यानंतर झालेल्या पत्रकार परिषदेत त्या बोलत होत्या. त्या म्हणाल्या, राज्यात शेतकरी संकटात आहे, दिवसेंदिवस आत्महत्यांचे आकडे वाढत चालले असताना झोपेचे सोंग हे सरकार घेत आहे असा आरोप त्यांनी यावेळी केला. जुमले पे जुमला असे हे सरकार असून कान बंद करुन केवळ बोलघेवडेपणा सुरू केला आहे.

शेतकऱ्यांचे कंबरडे मोडायचे असे या सरकारचे ध्येय असल्याची, टीका सुळे यांनी केली. या सरकारला एवढ्या आत्महत्या होत असताना त्याचे काहीच वाटत नसल्याने अजून किती शेतकऱ्यांचे बळी घेणार असा प्रश्न त्यांनी यावेळी केला.