ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

बच्चू कडूंना दहशतवादी घोषित करा, भाजप कार्यकर्त्यांची मागणी

मुंबई, दि. ९ - मुख्यमंत्र्यांच्या घरावर बॉम्ब फेकण्याचं वक्तव्य करणारे आमदार बच्चू कडू यांना दहशतवादी घोषित करा, अशी मागणी भाजप कार्यकर्त्यांनी केली आहे. सरकारनं आमच्या मागण्या मान्य केला नाहीत तर भगतसिंहांनी ज्या पद्धतीनं संसदेवर बॉम्ब हल्ला केला होता. तसा मुख्यमंत्र्यांच्या घरावर बॉम्ब फेकू असं आमदार बच्चू कडू म्हणाले होते. बच्चू कडू यांच्या या वक्तव्यानंतर भाजप कार्यकर्त्यांनी आक्रमक पवित्रा घेतला आहे. त्यांनी थेट बच्चू कडू यांना दहशतवादीच घोषित करण्याची मागणी केली आहे.

इतकंच नाही तर अमरावतीत थोड्याच वेळात भाजपचे कार्यकर्ते आंदोलन करणार असून बच्चू कडूंना अटक करण्याची मागणीही करण्यात येत आहे.

दरम्यान, याबाबत स्पष्टीकरण देताना बच्चू कडू म्हणाले, बॉम्ब फेकणार याचा अर्थ खरोखर बॉम्ब फेकणार असं नाही. हा शेतकऱ्यांबाबतचा आक्रोश आहे. बॉम्ब फेकलाच तर त्याने कोणालाही इजा होणार नाही, तो फक्त आवाज करणारा सुतळी बॉम्ब असेल. शेतकऱ्यांसाठी आतंकवादी घोषित करू देत, पण बॉम्ब टाकताना मुख्यमंत्र्यांच्या शर्टलाही धक्का लागणार नाही हा आवाजापुरता असेल. याशिवाय सध्याचं चित्र काँग्रेस सरकारप्रमाणंच आहेकाँग्रेसच्या काळात शेतकऱ्यांना गोळ्या घातल्या जात होत्या, भाजपाही तेच करतंय.

ही लढाई देश पातळीवर न्यायची आहे. मोदी ज्या भागातून आहेत त्या गुजरातेत शेतकऱ्यांच्या आत्महत्या होत आहेतआंदोलनात शेतकरी नाही असं म्हणणं हे मुख्यमंत्रांचं नाही तर सरपंचाचं वक्तव्य वाटतं, असा टोलाही त्यांनी लगावला.