ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

कर्जमाफीसाठी केंद्राकडून मिळणार नाही दमडी – जेटली

मुंबई, दि. १२ - राज्यातील शेतकऱ्यांच्या सरसकट कर्जमाफीला फडणवीस सरकारने तत्वत: मान्यता दिली आहे. पण तिकडे केंद्र सरकारने हात वर केले आहेत. शेतकरी कर्जमाफीसाठी तयार असलेल्या महाराष्ट्रासारख्या राज्यांनी स्वत: निधी उभारायला हवा, असे केंद्रीय अर्थमंत्री अरुण जेटली म्हणाले.

जेटली म्हणाले, शेतकऱ्यांची कर्जमाफी ज्या राज्यांना करायची आहे, त्यांना आपले उत्पन्नाचे स्त्रोत स्वत: शोधावे लागतील. दरम्यान, जेटलींनी हात वर केल्यानंतर राज्य सरकारची बाजू घेण्यासाठी राज्याचे महसूलमंत्री चंद्रकांत पाटील यांची प्रतिक्रिया घेतली. चंद्रकातं पाटील म्हणाले, केंद्र सरकारने आधीच कर्जमाफीसाठी मदत देणार नाही हे स्पष्ट केल्यामुळे आम्ही आमची तरतूद केली आहे. महाराष्ट्रातील कर्जमाफीसाठी राज्य सरकार निधी उभारेल. कर्जमाफीची घोषणा केल्यानंतर आता राज्य सरकारने उद्याच्या कॅबिनेटच्या बैठकीआधी जोरदार हालचाली सुरु केल्या आहेत.