ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

… तर जुलैनंतर शिवसेना करणार मोठे आंदोलन – उद्धव ठाकरे

मुंबई, दि. १४ - शिवसेना पक्षप्रमुख उद्धव ठाकरेंनी पुन्हा एकदा सरकारला शेतकऱ्यांच्या कर्जमाफीवरून धारेवर धरले आहे. योग्य पद्धतीने शेतकऱ्यांच्या कर्जमाफीची अंमलबजावणी झाल्यास शिवसेना सत्तेची पर्वा करणार नसल्याचा थेट इशारा शिवसेना पक्षप्रमुख उद्धव ठाकरेंनी दिला आहे. जुलैपर्यंतचा वेळ सरकारकडे आहे. त्यानंतर सरकारविरोधात मोठी कारवाई केली जाईल त्यासाठी तयार राहावे असे देखील उद्धव ठाकरेंनी म्हटले आहे.

उद्धव ठाकरेंची पहिल्यांदा संपाची ठिणगी पेटवणाऱ्या शेतकऱ्यांनी मातोश्रीवर जाऊन भेट घेतली. त्यावेळी उद्धव ठाकरे पत्रकारांशी बोलत होते. सरकार दिलेल्या हमीला जागेल त्यामुळे यापुढे लढण्याची वेळ येऊ नये आणि तशी वेळ जर आली तर शिवसेना सत्तेची पर्वा करणार नाही, असा थेट इशारा उद्धव ठाकरेंनी भाजपला दिला आहे. सरकारची भाषा मला कळत नाही, शेतकऱ्यांचा सातबारा मला कोरा करुन हवा आहे, अशी मागणीही यावेळी उद्धव ठाकरे यांनी केली.

संपाला शिवसेनेने उघड पाठिंबा दिल्यामुळे शेतकऱ्यांचा संप यशस्वी झाला असा दावा यावेळी उद्धव ठाकरेंनी केला. दरम्यान, चंद्रकांत पाटील उद्या मातोश्रीवर जाऊन उद्धव ठाकरेंना भेटणार असल्याची माहिती सुत्रांनी दिली आहे. या भेटीदरम्यान ते उद्धव ठाकरेंचे कर्जमाफीसंदर्भातील शंकांचे निरसन करणार असल्याचे समजते आहे.