ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सत्तेसाठी मोदींनी दिली खोटी आश्वासने, हिंदू अधिवेशनात नाराजीचा सूर

फोंडा, दि. १५ (वृत्तसंस्था) - कट्टर हिंदुत्ववादी अशी पंतप्रधान नरेंद्र मोदींची प्रतिमा असली तरी त्यांच्याविरोधात आता हिंदूत्ववादी संघटनांमध्येही नाराजी पसरली आहे. कट्टर हिंदुत्ववादी संघटनांनी मोदींच्या कारभारावर गोव्यात सुरु असलेल्या अखिल भारतीय हिंदू अधिवेशनात नाराजी व्यक्त केली. हिंदूंना मोदींनी फसवलेच अशी भावना अधिवेशनात व्यक्त करण्यात आली.

सहावे अखिल भारतीय हिंदू अधिवेशन गोव्यातील पोंडा येथे सुरु असून विविध संघटनांच्या नेत्यांनी या अधिवेशनातील चर्चासत्रामध्ये मोदी सरकारच्या कारभारावर नाराजी व्यक्त केली. याबाबतचे वृत्तइंडिया टुडेने दिले असून त्यांनी दिलेल्या वृत्तानुसार सत्तेवर येण्यासाठी मोदींनी खोटी आश्वासने दिल्याची खंत अनेकांनी बोलून दाखवली. मोदी सरकार २०१४ मध्ये सत्तेवर आले. पण राम मंदिर बांधण्यासाठी प्रयत्न झाले नाही. त्यांना यावरुन फक्त सत्तेची लालसा असल्याचे दिसते. हिंदू राष्ट्र त्यांना नकोच आहे. देशातील हिंदूंची फसवणूक झाली आहे असे सनातन संस्थेचे प्रवक्ते अभय वर्तक यांनी सांगितले.

मोदी सरकार जम्मू काश्मीरमधील तिढा, काश्मीर पंडितांचे प्रश्न अशा विविध मुद्द्यांवर तोडगा काढेल अशी हिंदुत्ववादी संघटनांना आशा होती. पण जम्मूत पीडीपीसोबत भाजपने युती केली आणि तिथेही भाजपला फक्त सत्ताच हवी असल्याचे दिसते असे हिंदूत्ववादी संघटनांचे म्हणणे आहे. आमचे सरकार केंद्रात असल्याचे वाटत नाही. राम मंदिराचे काम सुरु झाले असते तर भारताला हिंदूराष्ट्र म्हणता आले असते. हिंदू राष्ट्रांमध्ये अन्य धर्मांना स्थान नाही. आमच्यासाठी हिंदू धर्मच महत्त्वाचा आहे असे साध्वी सरस्वती यांनी सांगितले.

फोंडा येथ हिंदू अधिवेशन सुरु असून पुढील दोन दिवस हे अधिवेशन चालणार आहे. भारतासह २१ राज्यांसह नेपाळ, श्रीलंका आणि बांगलादेशमधील १५० हून अधिक संघटनांचे प्रतिनिधी या अधिवेशात हजर राहणार आहे. मंदिररक्षण, गोरक्षण, हिंदूंच्या मानबिंदूंचे रक्षण, धर्मांतर या समस्यांसह काश्मिरी हिंदूंचे पुनर्वसन अशा विविध विषयांवर या अधिवेशनात चर्चा होणार आहे.