ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शिवाजी महाराज गोब्राह्मणप्रतिपालक नव्हतेच - खासदार संभाजीराजे

औरंगाबाद, दि. २८ - शिवाजी महाराज गोब्राह्मणप्रतिपालक नव्हतेच. शरद पवार चुकीचे काय बोलले? शिवाजी महाराज कुळवाडीभूषण आहेत, अशीच माझी स्पष्ट भूमिका आहे,' असे मत खासदार छत्रपती संभाजीराजे यांनी व्यक्त केलेडॉ. बाबासाहेब आंबेडकर मराठवाडा विद्यापीठात मंगळवारी (ता. २७) शाहू महाराज यांच्या जयंती कार्यक्रमासाठी आले असता, ते पत्रकारांशी बोलत होते

श्रीमंत कोकाटे यांनी शिवाजी महाराजांवर लिहिलेल्या पुस्तक प्रकाशनाच्या वेळी ज्येष्ठ नेते शरद पवार यांनी शिवाजीराजे हे गोब्राह्मणप्रतिपालक नव्हते, असे मत पुण्यात व्यक्त केले होते. त्या मताशी संभाजीराजे यांनी सहमती व्यक्त केले. महात्मा जोतिमा फुले यांनी शिवाजीराजांना कुळवाडीभूषण संबोधले होते. हेच संबोधन योग्य असल्याचे त्यांनी ठामपणे सांगितले

कोल्हापूरच्या महालक्ष्मीला घागरा-चोळी घातल्याने वातावरण चिघळले आहे; मात्र यात पुजाऱ्यांचीच चूक आहे. त्यांनी तसे करायला नको होते. तरीही या वादात मला पडायचे नाही, असे म्हणत अधिक प्रतिक्रिया देण्यास नकार दिला

कर्जमाफीने सगळ्याच गोष्टी साध्य होतील असे नाही. यापुढेही पीक कमी येईल, दुष्काळ पडेल, या बाबी घडतच राहतील. मात्र, कर्जमाफीची सवय पडायला नको. दरवेळेस कर्जमाफी शक् नाही. कुठेतरी "लाइन ड्रॉप' करावी लागेल, असे मत संभाजीराजे छत्रपती यांनी व्यक् केले. या वेळची कर्जमाफी ही गरज असल्याचेही त्यांनी स्पष्ट केले

संभाजीराजे म्हणाले की, कर्जमाफीसंदर्भात माझी भूमिका ही वेळ पडली तर कर्ज घ्या; पण शेतकऱ्यांना कर्जमाफी द्या, अशीच होती. गरज नसलेल्यांना ती देऊ नका. अल्पभूधारकांना लाभ व्हावा. मागच्या चुका आता नको. या बाबींची पूर्तता मुख्यमंत्र्यांनी दिलेल्या कर्जमाफीत आहे. कर्जमाफीसोबत आता हमीभाव मिळणे गरजेचे आहे.

शेतकऱ्यांच्या आत्महत्येची विविध कारणे आहेत. यासाठी संघटनांनी प्रबोधन केले पाहिजे. शेतकऱ्यांकडे कार्यकर्ता नव्हे, तर शेतकरी म्हणून पाहिले पाहिजे. सरकारशी किती दिवस संघर्ष करायचा. कुठेतरी डेडलाइन ठरवायला हवी. मी नेतृत्व नाही, तर मराठा समाज आणि मुख्यमंत्र्यांचा दूत म्हणून काम करायला तयार आहे. चर्चा तुम्हीच करा, मुख्यमंत्र्यांकडे सन्मानाने घेऊन जाण्याची जबाबदारी मी पार पाडू शकतो, असे त्यांनी सांगितले