ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

भाजपने मिरा-भाईंदर मनी आणि मुनीच्या जोरावर जिंकले- शिवसेना

मुंबई, दि. २३ - शिवसेनेने मिरा-भाईंदर महापालिका निवडणुकीत स्पष्ट बहुमत मिळवणाऱ्या भाजपवर गंभीर आरोप केला असून भाजपने मिरा-भाईंदर महापालिका निवडणूक मनी आणि मुनी यांच्या जोरावर जिंकली असल्याचा घणाघात शिवसेनेचे खासदार संजय राऊत यांनी आज केला आहे. त्यांनी या दरम्यान निवडणुकीदरम्यान भाजपचा प्रचार करणाऱ्या जैन मुनींवरही शेलक्या शब्दांत टीका केली.

मिरा-भाईंदरची निवडणूक जिंकण्यासाठी भाजपने जैन मुनींची मदत घेतली. जातीच्या आधारावर या जैन मुनींनी मते मागितल्यामुळेच या निवडणुकीत भाजपला मोठा विजय मिळाला. पण मतांच्या राजकारणासाठी एखाद्या जैन मुनीसमोर मुख्यमंत्री देवेंद्र फडणवीस यांनी लोटांगण घालणे, हा आचारसंहितेचा भंग आहे. या निवडणुकीत शिवसेनेनेही आठ जागांवर जैन समाजातील उमेदवार उभे केले होते. त्यापैकी एक उमेदवार जिंकला तर अन्य सात उमदेवार दुसऱ्या क्रमांकावर राहिले. शिवसेनेच्या पाठिशी अमराठी समाज नसल्याचा प्रचार केला जात आहे. शिवसेनेपासून या मतदारांना तोडण्यासाठीचा हा डाव आहे. पण शिवसेनेविरोधात यापुढे एक शब्दही उच्चारला तर त्यांना धडा शिकवल्याशिवाय आम्ही राहणार नाही, असे राऊत यांनी ठणकावले.