ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पंतप्रधान व मुख्यमंत्र्यांवर भाजप खासदाराची टीका

नागपूर, दि. १ - भाजपचे खासदार नाना पटोले यांनी मुख्यमंत्री देवेंद्र फडणवीस आणि पंतप्रधान नरेंद्र मोदी यांच्यावर आरोप केले आहेत. नाना पटोले यांनी महाराष्ट्राच्या राज्यकर्त्यांची कीव येते. केंद्रातून सर्वात कमी पैसा महाराष्ट्रात आला. महाराष्ट्राच्या सरकारला खासदारांची किंमत नाही, असे वक्तव्य केले आहे. मी मुख्यमंत्र्यांकडे केंद्राच्या निधीबाबत विषय उपस्थित केला तर त्यांनी खासदारांची बैठक बोलावणेच बंद करून टाकल्याची टीका त्यांनी मुख्यमंत्री देवेद्र फडणवीस यांच्यावर केली आहे. मुख्यमंत्री विदर्भाचा असो की कुठल्याही भागाचा मुख्यमंत्री पद मिळाले की तो व्यक्ती बदलतो, अशी थेट टीका नाना पटोले यांनी केली आहे.

खासदार नाना पटोले नागपूरमध्ये आयोजीत विदर्भातील सिंचन सुविधा आणि शेतकऱ्यांचे अश्रृ या कार्यक्रमात बोलत होते. नाना पटोले यांनी या कार्यक्रमात बोलताना पंतप्रधान नरेंद्र मोदींवरही टीका केली आहे. पंतप्रधान नरेंद्र मोदी यांना मी त्यांनी आयोजित केलेल्या बैठकीत शेतीचे वास्तव सांगितले तर मोदी माझ्यावर भडकले, कारण त्यांना असे काही ऐकण्याची सवय नसल्याचे नाना पटोले यांनी म्हंटले आहे. सध्या मी पक्षाच्या हिटलिस्ट वर असून मी आता कुणाला घाबरत नसल्याचेही पटोले म्हणाले.