ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

आता स्मार्ट युनिफॉर्ममध्ये दिसणार देशभरातील पोलीस

मुंबई, दि. १ - सध्या ब्रिटीशकालीन खाकी वर्दी देशभरातील पोलिस परिधान करत आहेत. पण आता देशभरातील पोलिसांची खाकी वर्दी आता इतिहासजमा होणार आहे. लवकरच पोलिसांच्या गणवेशात बदल करण्यात येणार असून यापुढे आता पोलिस कर्मचारी आपल्याला स्मार्ट युनिफॉर्ममध्ये दिसणार आहेत.

सर्व हवामानात आरामदायी ठरणारा डिझायनर गणवेश आता पोलिसांना दिला जाणार असून हे काम अहमदाबादमधील नॅशनल इन्स्टिट्यूट ऑफ डिझाईन या संस्थेकडे सोपवण्यात आले आहे. सर्व राज्य, केंद्रशासित प्रदेशातील पोलिस आणि निमलष्करी दलासाठी नवा गणवेश ही संस्था बनवणार आहे. ब्युरो ऑफ रिसर्च अँड डेव्हलपमेंटच्या सहकार्याने वर्दीचे नमूने तयार करण्यात आले आहेत. यात शर्ट, पॅण्ट, पट्टा, टोपी आणि जॅकेटचा समावेश आहे. याशिवाय रेनकोट आणि हेडगिअरचे डिझाईनही बनवले आहे. राज्यांच्या सर्व पोलिसांना हे डिझाईन शेअर केले असून आपल्या पसंतीने ते गणवेश निवडू शकतात.

नऊ राज्यांकडून मिळालेल्या प्रतिक्रियांनुसार, सध्याच्या वर्दीमध्ये अनेक अडचणी आहेत. पहिली बाब म्हणजे देशातील पोलिसांच्या वर्दीत समानता नाही. दुसरी गोष्ट म्हणजे पोलिसांच्या गणवेशाचे कापड फारच जाड असल्याने उन्हाळ्यात त्रास होता. याशिवाय वर्दीत जास्तीत जास्त गोष्टी ठेवण्याची पर्यायी जागा नाही. पोलिसांची टोपी लोकराची असल्याने उन्हाळ्यात डोकेदुखीचे कारण ठरते. तर हेल्मेट एवढे जड आहेत की आपत्कालीन परिस्थितीत ते घालणे अडचणीचे ठरते. पट्टाही फार जड असल्याने तो घालून वाकता येत नाही. जगभरातील इतर देशांमधील पोलिसांच्या पट्ट्यात फोन ठेवण्याची जागा आणि स्मार्ट कीज असते, तशीच सोय देशातील पोलिसांच्या गणवेशात असावी.

पोलिसांसाठी बुटे देखील एक समस्या बनली आहे. चामड्याचे बुट जास्त वेळ घालणे सोपे नसटे. या खाकी रंग प्रायव्हेट एजन्सी आणि इतर विभागातील लोकही वापरतात. आयपीएस अधिकारी मीरा बोरवणकर म्हणाल्या की, खाकी वर्दीवर फारच टीका होते. यात बदल होणे आवश्यक असून सर्व प्रकारच्या हवामानात परिधान करण्यासाठी सध्याची वर्दी पोलिसांसाठी योग्य नाही. याला पर्याय आणणे गरजेचे आहे.