ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

राज्यभरात विसर्जना दरम्यान १५ जणांचा मृत्यू

मुंबई, दि. ६ - गणेश विसर्जनाच्या दिवशी आपल्या लाडक्या गणपती बाप्पाला निरोप देण्यासाठी गणेश भक्तांची अलोट गर्दी लोटली होती. मात्र काही ठिकाणी अपघात झाल्याने या सोहळ्याला गालबोट लागलं आहे. राज्यात विविध ठिकाणी झालेल्या अपघातांमध्ये १५ जणांचा मृत्यू झाल्याची माहिती आहे.

आळंदीच्या हद्दीतील खेडमध्ये घरगुती गणपती विसर्जन करण्यास गेलेला १८ वर्षीय तरुण इंद्रायणी नदीत बुडाला. अक्षय अनिल वरपे असं त्याचं नाव आहे. दुपारी दीडच्या सुमारास ही घटना घडली. एनडीआरएफचे जवान या तरुणाचा शोध घेत आहेत. तसेच गायधरा तलावात दोन मुले गणपती विसर्जनावेळी बुडाली होती. रोहित संतोष जगताप ओमकार संतोष जगताप अशी या २ भावंडांची नावे आहेत. त्यापैकी एकाचा मृतदेह सापडला असून दुसऱ्याचा शोध सुरु आहे. हा तलाव वडकी परिसरातील आहे.

जगताप डेअरीजवळ कस्पटे वस्ती येथे दोन मुले बुडाली. औंध अग्निशमन केंद्रातील जवानांनी एक मृतदेह पाण्याबाहेर काढला आहे. दुसऱ्या मृतदेहाचा शोध सुरु आहे.

गणपती विसर्जनासाठी गेलेल्या सागर धनगर आणि योगेश धनगर या दोन तरुणांचा धरणात बुडून मृत्यू झाला. जामनेर तालुक्यातील शेंदुर्णीमध्ये ही घटना घडली.

शिवनाई तलावात गणपती विसर्जन करताना तीन तरुण बुडाले. आदर्श किर्तीशाई, सागर तेलभाते, राजेश गायकवाड अशी त्यांची नावे आहेत. तिघांचेही मृतदेह सापडले आहेत. गोदावरी नदीपात्रात तरुण बुडाल्याची माहिती आहे. गणेश विसर्जनाच्या वेळी दौलताबाद तलावात बुडून आकाश साठे या १४ वर्षीय युवकाचा मृत्यू झाला. औरंगाबादेत तीन घटनांमध्ये पाच जणांना प्राण गमवावे लागले आहेत.

गणपती विसर्जनावेळी किशोर सोनार या २३ वर्षीय तरुणाचा पाण्यात बुडून मृत्यू झाला. दारणा नदीपात्रात बाप्पासोबत सेल्फी घेण्याच्या नादात तोल जाऊन पडल्यामुळे त्याचा मृत्यू झाल्याची माहिती आहे. मुंगसरे गावाजवळील डबक्यात बुडून एका तरुणाचा मृत्यू झाला. दोघा मित्रांसोबत घरच्या गणपतीचे विसर्जन करायला गेला असता गणेश मराळे हा १७ वर्षीय मुलाचा मृत्यू झाला.

Posted On: 06 September 2017