ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

पालखी रथ दुरुस्तीसाठी लष्कराच्या कार्यशाळेत दाखल

खडकी, दि. १८ - श्री संत तुकाराम महाराज पालखी सोहळयातील पालखी रथ दुरुस्तीसाठी खडकी येथील लष्कराच्या ५१२ या कार्यशाळेत बुधवारी पाठविण्यात आला.

संत तुकोबारायांचा ३३२ पालखी सोहळा महिना भरावर येऊन ठेपला आहे. या पार्श्वभूमीवर श्री संत तुकाराम महाराज संस्थानचे अध्यक्ष, विश्वस्त आणि पालखी सोहळा प्रमुखांच्या वतीने सोहळयातील कामांची लगबग सुरू झाली आहे. पालखी सोहळ्यातील चांदीच्या रथाच्या दुरुस्तीसाठी हा रथ सालाबाद प्रमाणे खडकी येथील लष्कराच्या ५१२ या कार्यशाळेत बुधवारी पाठविण्यात आला.

पालखी रथ ओढणार्या बैलजोडींना रथाचा भार कमी व्हावा, कोणताही त्रास होऊ नये, यासाठी रथात अत्याधुनिक पद्धतीचा वापर करण्यात आला आहे. रथाच्या चाकांतील दुरूस्ती तसेच अत्याधुनिक डिजिटल सीसीटीव्ही कॅमेरे, विद्युत दिवे, जनरेटर, वायरिंग आदी विविध कामांच्या दुरूस्तीसाठी पालखी रथ खडकीतील ५१२ या कार्यशाळेत पाठविण्यात आल्याची माहिती पालखी सोहळा प्रमुख अभिजीत महाराज मोरे आणि अशोक महाराज मोरे यांनी दिली.