ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

प्रेमप्रकरणाच्या रागातून प्रियकराची गाडी व लग्नाचा मांडव जाळले

पुणे, दि. १९ – कात्रज येथील शनिनगर भागात प्रेम प्रकरणाच्या रागातून प्रियकराची गाडी त्याच्या लग्नाचा मांडव जाळल्या प्रकरणी एका महिलेला भारती विद्यापीठ पोलिसांनी अटक केली आहे. त्याचा तपास करताना प्रेमप्रकरणाच्या रागातून ही घटना घडल्याचे तपासात उघड झाले आहे.  सुषमा गणपत टेमघरे  (वय ३६, रा. शनिनगर), असे अटक करण्यात आलेल्या महिलेचे नाव आहे.

पोलिसांनी दिलेल्या माहितीनुसार, भारती विद्यापीठ पोलिसांकडे काल (बुधवार) शनिनगर भागात एक दुचाकी गाडी, एक रिक्षा लग्नासाठी घरासमोर घातलेला मांडव जाळण्याच्या घटनेचा गुन्हा दाखल होता. या घटनेचा तपास करत असताना हा जळीत प्रकार एका महिलेने केला असून ती दत्तनगर येथील डी मार्ट येथून पळून जाण्याच्या तयारीत आहे. तिच्या अंगावर तिने निळ्या रंगाचा कुडता, गुलाबी रंगाची सलवार घातली आहे, अशी माहिती खब-यांमार्फत पोलीस कर्मचा-यांना मिळाली.

या माहितीच्या आधारे पोलिसांनी महिला पोलीस कर्मचा-यांच्या मदतीने महिलेला सापळा रचून अटक केली. जळीत प्रकरणाविषयी तिची चौकशी केली असता दीपक हरिभाऊ रेणुसे (रा. शनिनगर) याच्याशी आपले प्रेम संबंध होते. परंतु त्याने  लग्नास नकार देऊन दुस-या मुलीसोबत लग्न करत असल्याने त्याचा राग मनात धरून एक दिवशी रात्री त्याची गाडी जाळली दोन दिवसांनी त्याच्या लग्नाच्या मांडवावर रॉकेलचे पेटते बोळे टाकले, असल्याची कबुली दिली.