ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शिवसेना कायम शेतकऱ्यांसोबत, वेळ आल्यास कठोर निर्णय घेऊ - संजय राऊत

पुणे, दि. ७ - राज्यभरात शेतक-यांमध्ये संतापाची लाट उसळली असताना सरकारने त्यांच्या मागण्यांचा विचार करणे गरजेचे आहे. सरकारने शेतक-यांना कुठल्याही प्रकारच्या अटी घालता सरसकसकट कर्जमाफी केली पाहिजे. तीन वर्षाचा कालावधी लोटल्यानंतरही सरकार शेतकऱ्याच्या मागण्या पूर्ण करणार नसेल तर सत्तेत सहभागी होण्याचा काय फायदा?   शिवसेना कायम शेतकऱ्यांसोबत आहे, शेतक-यांच्या मागण्यांसदर्भात उद्या जर कठोर निर्णय घेण्याची वेळ आली तर मागेपुढे पाहता लगेच घेऊ, असे शिवसेना खासदार संजय राऊत यांनी पुण्यात पत्रकारांशी बोलताना सांगितले.

ते पुढे म्हणाले की, सरकार शेतक-यांच्या मागण्यासंदर्भात राजकारण करून श्रेय घेण्याचा प्रयत्न करत आहे. मुख्यमंत्र्यांकडे शेतक-यांच्या प्रश्नावर चर्चा करण्यासाठी वेळ मागितला असता, त्यांनी ते नाकारले. त्यामुळे आज आम्ही कॅबिनेट बैठकीवर बहिष्कार टाकला आहे. मुख्यमंत्र्यांनी शेतकरी नेत्याशी चर्चा करावी आणि शेतक-यांच्या मागण्यांचा गांभीर्याने विचार करावा. सरकारला पाठिंबा देणा-या राजू शेट्टींची शेतक-यांच्या बाबतीतील भूमिका दुटप्पीपणाची असल्याचे सांगत सदाभाऊंना सोबत घेऊन चर्चा कशाला चर्चा करायची ? असा सवाल विचारला.

राज्यात सत्तेत सहभागी झाल्यापासून शिवसेना काय विरोधी पक्षाची भूमिका घेत आली आहे. त्यामुळे कुठल्याही बाबतीत चर्चा करताना सरकारतर्फे शिवसेनेला गृहीत धरले नाही. शेतक-यांच्या संपाविषयीही शिवसेनेने नेमकी सरकारविरोधात भूमिका घेतल्याने शेतकऱ्यांशी चर्चा करण्याच्या प्रक्रियेत आणि अल्पभूधारक शेतकऱ्यांना कर्जमाफी देतानाही शिवसेनेच्या मंत्र्यांना चर्चेत सहभागी करून घेण्यात आले नव्हते.