ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

भाजप सरकार काँग्रेसचा आवाज दाबत आहे - विश्वजीत कदम

पुणे, दि. ९ - मध्यप्रदेशातील मंदसौरमध्ये आंदोलक शेतकऱ्यांना भेटण्यासाठी गेलेल्या काँग्रेसचे उपाध्यक्ष राहुल गांधी यांना पोलिसांनी केलेली अटक हे अराजकतेचे लक्षण असल्याचे सांगत भाजप सरकार काँग्रेसचा आवाज दाबण्याचे काम करत असल्याचा आरोप काँग्रेस नेते विश्वजीत कदम यांनी केला. राहुल गांधींच्या अटकेच्या निषेधार्थ पुणे शहर काँग्रेसच्या वतीने पुणे रेल्वे स्थानकावर रेल रोको आंदोलन करण्यात आले. त्यावेळी ते बोलत होते.

या आंदोलनात काँग्रेस शहर अध्यक्ष रमेश बागवे, नगरसेवक अरविंद शिंदे, माजी आमदार मोहन जोशी, यांच्यासह काँग्रेसचे आजी-माजी आमदार, काँग्रेसचे पदाधिकारी, ब्लॉक अध्यक्ष आणि युवक काँग्रेसच्या महिला पदाधिकारी मोठ्या संख्येने सहभागी झाले होते.

मंदसौर येथे पोलिसांनी केलेल्या गोळीबारात मृत्यूमुखी पडलेल्या शेतक-यांच्या कुटुंबियांची भेट घेण्यासाठी जात असताना पोलिसांनी काल ( जून) राहुल गांधींना अटक केली होती. त्याचा निषेध करण्यासाठी पुणे शहर काँग्रेसच्या वतीने आज पुणे रेल्वे स्थानकावर रेल रोको आंदोलन करण्याचा प्रयत्न केला असता पोलिसांनी तो हाणून पाडला. आज सकाळपासूनच पोलिसांनी पुणे रेल्वे स्थानकाच्या मुख्य प्रवेशद्वारावर पोलीस बंदोबस्त वाढवला होता. सकाळी साडेअकरा वाजता काँग्रेसच्या नेत्यांना मुख्य प्रवेशद्वारासमोर एकत्र येत सरकार विरोधात जोरदार घोषणाबाजी केली. यावेळी रेल्वे स्थनकार घुसण्याच्या प्रयत्नात असलेल्या काही आंदोलक आणि पोलिसांमध्ये जोरदार झटापट झाली. पोलिसांनी काही आंदोलकांना ताब्यात घेतले होते. नंतर परिस्थिती निवळल्याने त्यांना सोडून देण्यात आले.

याविषयी बोलताना कदम म्हणाले, आम्ही परवानगी घेऊनच आंदोलन केले होते. परंतु पोलिसांनी आम्हाला आणि काही महिला आंदोलकांना चुकीच्या पद्धतीने अडवले. आंदोलन चिरडण्याच्या सूचना सरकारनेच पोलिसांना दिल्या असून शेतकऱ्यांना भेटणे गुन्हा आहे काय? असा प्रश्न विचारत सरकार विरोधकांचा आवाज दाबत असल्याचा आरोप त्यांनी केला.