ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पुण्यात ६०० चौ. फुटांपर्यंत अनधिकृत बांधकामांना शास्तीकर माफीस मंजुरी

पुणे, दि. २८ - पुणे महापालिका हद्दीतील ६०० चौरस फुटांच्या अनधिकृत बांधकामांना शास्तीकर माफीचा प्रस्ताव आज झालेल्या महापालिकेच्या सर्वसाधारण सभेत मंजूर करण्यात आला. यामुळे आता लहान सदनिकाधारकांना मोठा दिलासा मिळणार आहे.

राज्य शासनाने मिळकतकराच्या शास्तीचे अधिकार महापालिकांना दिले आहेत. जानेवारी २०१७ ला महापालिका अधिनियमात यासंदर्भात महत्त्वाचे बदल करण्यात आले आहे. अनधिकृत बांधकाम केल्यानंतर करण्यात येणार्या शास्तीमध्ये एकवाक्यता असावी अल्प उत्पन्न घटकांना न्याय देण्याच्या दृष्टीने महापालिकांना निर्णय घेण्याच्या सूचना करण्यात आल्या आहेत. 

अनधिकृत बांधकामावर प्रभावी आळा बसविण्याकरिता शास्तीसंदर्भात महापालिकांना राज्य शासनाकडून सूचना करण्यात आल्या आहेत. त्यामुळे महापालिका प्रशासनाने यासंदर्भातील प्रस्ताव स्थायी समितीसमोर मान्यतेसाठी ठेवला होता या प्रस्तावाला मान्यता मिळाल्यामुळे आता शहरामधील ६०० चौरस फुटांपर्यंतच्या निवासी अनधिकृत बांधकामास यापुढे करआकारणीची कोणतीही शास्ती करण्यात येणार नाही. अल्प उत्पन्न गटातील नागरिकांना यामुळे मोठा दिलासा मिळणार आहे. ६०१ चौरस फूट ते १००० चौरस फुटांपर्यंतच्या निवासी अनधिकृत बांधकामास प्रतिवर्षी मालमत्ताकराच्या ५० टक्के शास्तीची करआकारणी करण्यात येईल. १००१ चौरस फुटांच्या पुढील मिळकतींना दुप्पट करआकरणी करण्यात येईल. महापालिकेने २००८ पासून निवासी बांधकामांना दुप्पट करआकरणीचा निर्णय घेतला आहे. मुख्य सभेच्या मान्यता दिल्यामुळे नवीन दराने करआकारणी करण्यात येणार आहे.

पुणे महापालिकेच्या क्षेत्रात ६००  चौरस फुटांपेक्षा लहान ९५२१ घरे असून त्यांना या निर्णयाचा फायदा मिळणार आहेत तर तर ६०० ते १००० चौरस फुटांची २३६५ सदनिका आहेत. या निर्णयामुळे एकूण ११८८६ सदनिकाधारकांना फायदा मिळणार आहे