ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

साहेब मुंढेंना परत बोलवा - महापौर टिळकांचे मुख्यमंत्र्यांना साकडे

पुणे, दि. २९ - पुणे महापालिकेचा पीएमपीएमएलमध्ये ६० टक्के वाटा आहे. मात्र, पीएमपीएमएलचे अध्यक्ष तुकाराम मुंढे हे मालक असल्यासारखे वागत असून पालिकेचे बस सेवेविषयी असणारे प्रश्न ऐकूण घेण्यास तयार नाही. त्यामुळे असा अधिकारी सुधारणा करू शकत नाही, असे स्पष्ट मत व्यक्त करत मुख्यमंत्र्यांना पत्र पाठवून मुंढे यांना पुन्हा बोलवून घेण्याची विनंती करणार आहे, असे महापौर मुक्त टिळक यांनी पत्रकार परिषदेत सांगितले.

पीएमपीएमएलकडून शाळांना पुरवण्यात येणाऱ्या शालेय बसच्या भाड्यामध्ये केलेल्या दरवाढीमुळे तुकाराम मुंढे आणि महापालिका पदाधिकारी हा वाद चांगलाच रंगला आहे. मुंढेंची पीएमपीएमएलच्या अध्यक्षपदी नियुक्ती झाल्यानंतर अभिनंदन करणारे पदाधिकारी काही महिन्यातच मुढेंना वैतागल्याचे चित्र सध्या पाहायला मिळत आहे.

पीएमपीएमएलकडून शाळांना पुरवण्यात येणाऱ्या बस सेवेचे दर ६१ वरून १४१ करण्यात आले आहे. या दरवाढीने एकीकडे पालक आणि दुसरीकडे विरोधकांनी सत्ताधा-यांना जेरीस आणले आहे. त्यामुळे यावर तोडगा काढण्यासाठी महापालिकेत पीएमपीएमएल संचालकांची बैठक बोलवण्यात अली होती. या बैठकीला मुंढे उपस्थित राहणार होते. मात्र, ऐन वेळी मुंढेंनी  बैठकीला दांडी मारत दोन अधिकारी या बैठकीला पाठवले होते. मात्र, या अधिकाऱ्यांशी चर्चा करण्यास पदाधिकाऱ्यांनी नकार दिला. त्यामुळे ही बैठक झाली नाही.

यानंतर आयोजित पत्रकार परिषदेमध्ये महापौर म्हणाल्या की, मुंढे यांनी आज बैठकीला उपस्थित राहणार असल्याचे सांगितले होते. मात्र, ऐन वेळी त्यांनी  गैरहजर राहून महापालिकेचा अपमान केला आहे. आजच्या बैठकीमध्ये विद्यार्थ्यांचा अत्यंत संवेदनशील विषय तसेच, एक दिवसाच्या पासची केलेली दरवाढ, हेल्पलाईनमध्ये येणाऱ्या समस्या यांसारख्या विषयांवर चर्चा होणार होती. मात्र, एकंदरीतच या बैठकीला उपस्तिथ राहता या गोष्टींना त्यांनी नकार दिला आहे. त्यामुळे अशा प्रकारे पीएमपीएमएलचा विकास होणार नाही. त्यामुळे मुख्यमंत्र्यांना पत्र पाठवून मुंढे यांना परत बोलवण्याची विनंती करणार आहे, असे महापौरांनी सांगितले.