ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

तुकाराम मुंढे यांचे पदाधिकाऱ्यांना भोजनाचे निमंत्रण

पुणे, दि. १ - शालेय विद्यार्थ्यांच्या बस दरवाढ आणि भाडेतत्वावरील बस चालकांनी पुकारलेल्या संपावर तोडगा काढण्यासाठी तुकाराम मुंढे आणि पालिकेचे पदाधिकारी यांच्यात स्वारगेट येथील पिएमपीच्या कार्यालयात काल (३० जून ) बैठक झाली. या बैठकीनंतर दोन्ही प्रश्नांवर तोडगा निघाला असून तुकाराम मुंढे विरुध्द राजकारणी हा वादही निवळल्याची चिन्हे आहेत. कारण बैठकीनंतर झालेल्या अनौपचारीक गप्पात मुंढे यांनी मुक्ता टिळक यांच्यासह इतरांना भोजनाचे निमंत्रण दिले आणि महापौरांनी ते हसत-हसत स्वीकारलेही.

शालेय बस दरवाढ आणि भाडेतत्वावरील बस चालकांचा संप याविषयी तीन तास चर्चा झाली. यावेळी महापौर मुक्ता टिळक, उपमहापौर डॉ.सिध्दार्थ धेंडे, सभागृह नेते श्रीनाथ भिमाले आणि कंत्राटदार उपस्थित होते. बैठक संपल्यानंतर मुंढेंनी उपस्थितांसोबत फोटो काढत सर्वांना घरी येण्याचे निमंत्रण दिले.

दरम्यान दोन दिवसापूर्वी मुंढे हेकेखोरपणा करत असल्याचे सांगत मुक्ता टिळक यांनी मुख्यमंत्र्यांनी त्यांना परत बोलवावे असा आक्रमक पवित्रा घेतला होता. तर उपमहापौर डॉ. धेंडे यांनी मुंढेना राज्य शासनाने परत बोलावल्यास आरपीआयच्या वतीने आंदोलन करण्यात येणार असल्याचे सांगितले होते. परंतु काल झालेल्या बैठकीनंतर त्यांच्यातील वाद संपुष्टात आल्याची चिन्हे आहेत.