ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पुणे मेट्रोला युरोपियन बँकेकडून ६०० दशलक्ष युरोचे कर्ज

पुणे, दि. ४ - पुणे मेट्रो प्रकल्पसाठी ८४५ मिलियन युरोची गरज असून यासाठी युरोपियन इन्व्हेस्टमेंट बँकेकडे भारत सरकारच्या अर्थव्यवहार विभागाने (डीइए) ६०० दशलक्ष (मिलियन) युरो इतक्या कर्जाचा प्रस्ताव ठेवण्यात आला आहे. त्याच बरोबर दोन देशाच्या इन्व्हेस्टमेंट कंपन्यांकडून देखील अर्थसहाय्य घेण्यात येणार आहे, असे महामेट्रोचे व्यवस्थापकीय संचालक डॉ. ब्रिजेश दीक्षित यांनी माहिती आज पत्रकार परिषदेमध्ये दिली.

पुणे मेट्रोच्या विविध घडामोडींची माहिती देण्यासाठी आज पुणे श्रमिक पत्रकार संघ येथे पत्रकार परिषदेचे आयोजन करण्यात आले होते. त्यामध्ये दीक्षित बोलत होते. महामेट्रोचे कार्यकारी संचालक (स्ट्रॅटेजिक प्लानिंग) रामनाथ सुब्रमण्यम् आणि सल्लागार शशिकांत लिमये यावेळी उपस्थित होते. पुणे मेट्रो प्रकल्पासाठी एकूण ८४५ मिलियन युरोची गरज आहे. त्यापैकी ६०० मिलियन युरो कर्जाचा प्रस्ताव युरोपियन इन्व्हेस्टमेंट बँके (इआयबी)कडे ठेवण्यात आला आहे. केंद्रीय अर्थव्यवहार विभागाने हा प्रस्ताव ठेवला आहे. उरलेल्या २४५ मिलियन युरोसाठी फ्रेंच डेव्हलपमेंट बँक (एएफडी) आणि जर्मन डेव्हलपमेंट बँक (केएफडब्ल्यू) यांच्याशी अर्थव्यवहार विभागाची बोलणी सुरू आहेत. केंद्रीय अर्थसंकल्पामध्ये पुणे मेट्रोसाठी जी तरतूद करण्यात आली आहे, त्याच पैशातून सध्याची कामे सुरू आहे, असेही दीक्षित यांनी सांगितले.

पुणे मेट्रो प्रकल्पासाठी शिवाजीनगर गोदाम, वनाज येथील कोथरूड कचरा डेपोची जागा आणि शेतकी महाविद्यालयाची जागा अशा तीन जागा मिळण्यासाठी सध्या प्रक्रिया सुरू असून दोन महिन्यात या जागा ताब्यात येण्याची प्रक्रिया सुरू होईल. पिंपरी-चिंचवड परिसरात संत तुकाराम नगर येथेमेट्रो माहिती केंद्र सुरू होत असून, पुणे शहरातही लवकरच असे केंद्र सुरू होणार आहे. तसेच पिंपरीत कार्यशाळेसाठी पिंपरी-चिंचवड नवनगर विकास प्राधिकरणाने जागा दिल्याची माहिती यावेळी देण्यात आली. मेट्रोच्या पहिल्या टप्प्यातील पिंपरी ते रेंज हिल या भागाच्या कामाची निविदा निघाली असून, दुसऱ्या टप्प्यातील वनाज ते रामवाडी या मार्गावरील वनाज ते शिवाजीनगर न्यायालय, या भागाच्या निविदा येत्या १८ जुलैला निघणार आहेत. मेट्रो स्थानकांच्या निविदांवरही काम सुरू असून, याही निविदा येत्या दोन महिन्यांत निघणार आहेत, अशी माहिती दीक्षित यांनी दिली.

प्रकल्पाबाबत काही लोकांना शंका आहेत, मेट्रोच्या या मार्गाचा फायदा केवळ टक्के शहराला होणार आहे, अशा वावड्या उठविण्यात येत आहेत. मात्र, ते खरे नसून ३१ किलोमीटरचे मेट्रोचे दोन मार्ग असून, त्याच्या आजूबाजूच्या प्रत्येकी अशा ६किलोमीटर परिसराला याचा थेट फायदा होणार आहे. तसेच बस, रेल्वे स्टेशन आणि विमानतळ, असे सगळेच या मेट्रो मार्गांना जोडण्यात येणार असल्याने शहरातील ५० टक्के Posted On: 04 July 2017