ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

गावक-यांतून सरपंच निवडीला राष्ट्रवादीचा विरोध - सुनील तटकरे

पुणे, दि. ६ - थेट गावक-यांमधून सरपंच निवडीमुळे गावाच्या विकासाला अडथळा निर्माण होणार असून हा निर्णय लोकशाहीला घातक आहे. त्यामुळे राज्यसरकारच्या या निर्णयाला राष्ट्रवादी काँग्रेस पक्षाचा विरोध राहील, अशी माहिती प्रदेशाध्यक्ष सुनील तटकरे यांनी दिली.

पुणे जिल्हा राष्ट्रवादी काँग्रेसच्या बुधवारी ( जुलै) पुण्यात झालेल्या प्रमुख पदाधिकारी आणि कार्यकर्त्यांच्या मेळाव्यानंतर आजोजित केलेल्या पत्रकार परिषदेत ते बोलत होते. यावेळी माजी उपमुख्यमंत्री अजित पवार, माजी विधानसभा अध्यक्ष दिलीप वळसे पाटील, राष्ट्रवादी काँग्रेसचे जिल्हाध्यक्ष जालिंदर कामठे, जिल्हा परिषदेचे उपाध्यक्ष विवेक वळसे पाटील आदी उपस्थित होते.

तटकरे पुढे म्हणाले की, सरपंच नागरिकांमधून निवडला गेल्यास ग्रामीण भागात एकाधिकारशाही वाढेल. त्यामुळे देशाची  वाटचाल अध्यक्षीय पद्धतीकडे सुरू होईल. या निर्णयामुळे १४ व्या वित्त आयोगाच्या निधीद्वारे करण्यात येणाऱ्या कामात अडथळा येऊ शकतो. या निर्णयामुळे गावा-गावांतील विकासकामांना खीळ बसणार आहे. त्यामुळे सरपंचांची निवड ही लोकशाही मार्गानेच झाली पाहिजे. त्यामुळे सरपंच निवडीच्या नवीन पद्धतीला राष्ट्रवादी काँग्रेस कडाडून विरोध करणार आहे.