ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शहीद जवानांना श्रद्धांजली, १६ जुलैला कारगिल आंतरराष्ट्रीय मॅरेथॉन स्पर्धा

पुणे, दि. ७ - कारगिल युद्धामध्ये शहीद झालेल्या जवानांना श्रद्धांजली अर्पण करण्यासाठी आणि त्या युद्धाच्या आठवणी जागृत करण्याच्या दृष्टीने पुण्यातील सरहद या संस्थेतर्फे १६ जुलै रोजी 'रन फॉर सरहद' कारगिल आंतरराष्ट्रीय मॅरेथॉन स्पर्धेचे आयोजन करण्यात आले आहे. विशेष म्हणजे एकूण १६० किमी अंतराची ही मॅरेथॉन स्पर्धा कारगिल युद्धभूमीवर घेतली जाणार आहे.

कारगिल युद्ध हे भारताच्या इतिहासातील एक कटू आठवण. पाकिस्तानबरोबर झालेल्या या युद्धात आपल्याला विजय मिळाला असला तरीही या युद्धात ५०० जवान शहीद झाले तर कित्येक जवान जखमी झाले. या युद्धाच्या आठवणींची प्रेरणा भारतीयांच्या मनात जागृत ठेवण्याच्या उद्देशाने या मॅरॅथॉनचे आयोजन करण्यात आले आहे.

या स्पर्धेचे उदघाटन देशाचे संरक्षण मंत्री अरुण जेटली आणि ज्येष्ठ समाजसेवक अण्णा हजारे यांच्या उपस्थितीत होणार आहे. एकूण १६० किमी ची ही मॅरेथॉन असून यामध्ये १२० किमीची टायगर हिल चॅलेंज मॅरेथॉन,६० किमीची अल्ट्रा मॅरेथॉन, ४२ किमीची पूर्ण मॅरेथॉन, २१ किमीची हाफ मॅरेथॉन तसेच हौशी स्पर्धकांसाठी १० आणि किमीच्या छोट्या मॅरेथॉन होणार आहेत. या स्पर्धेसाठी एकूण लाखांची पारितोषिके ठेवण्यात आलेली आहेत. या स्पर्धेला जम्मू काश्मीर पर्यटन विभाग, स्वानंद सामाजिक संस्था, रनबड्डीज आणि सेवक कारगिल यांचे सहकार्य लाभले आहे.

या स्पर्धेमध्ये जास्तीतजास्त भारतीयांनी सहभागी होऊन कारगिल युद्धातील शहीद जवानांना श्रद्धांजली अर्पण करावी असे आवाहन संयोजकांच्या वतीने करण्यात आले आहे. स्पर्धेच्या अधिक माहितीसाठी http://www.kargilmarathon.com/आणि kargil international marathon या फेसबुक पेजला भेट द्यावी.