ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पुणे महापालिकेच्या नगरसेवकांचा वैद्यकीय खर्च तब्बल ३५ लाख

पुणे, दि. १० - महापालिकेच्या आजी माजी नगरसेवकांचा वैद्यकीय खर्च  महापालिकेच्या तिजोरीतून केला जातो. गेल्या पाच महिन्यांमध्ये नगरसेवकांच्या वैद्यकीय उपचारापोटी तब्बल ३५ लाख रुपयांचा खर्च महापालिकेच्या तिजोरीतून झालेला आहे.

पुणे महापालिकेकडून माजी सदस्य त्याच्या पत्नी अथवा पतीस, तर विद्यमान सदस्य असल्यास त्या सदस्याच्या संपूर्ण कुटुंबाच्या वैद्यकीय उपचारांचा खर्च केला जातो. त्यासाठी महापालिकेच्या मुख्यसभेने २०१४-१५ मध्ये ठराव करून नगरसेवकांसाठी अंशदायी वैद्यकीय योजनेस मान्यता दिली होती.

या योजनेनुसार, नगरसेवकांनी एखाद्या रुग्णालयामध्ये दाखल होत असताना महापालिकेल अगोदर कळवणे आवश्यक असते. यानंतर पालिका प्रशासन रुग्णालयाला पत्र देऊन बिलाची हमी घेते. काही वेळा उपचार पार पडल्यानंतरही महापालिका प्रशासनाकडून नगरसेवकांच्या नावे बिले अदा करण्यात येतात. गेल्या पाच महिन्यांमध्ये तब्बल ६० नगरसेवकांनी या योजनेचा फायदा घेतला असून २८ नगरसेवकांनी उपचारानंतर बिले सादर केली आहेत. तर ३२ नगरसेवकांची बिले रुग्णालयांच्या नावावर देण्यात आली आहेत. त्यासाठी आतापर्यंत ३४ लाख ७६ हजार रुपये खर्च झाले आहेत.