ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

दीनानाथ मंगेशकर रुग्णालयाचा अजब रिपोर्ट, पुरुषाला आहे गर्भाशय

पुणे, दि. १९ पोटदुखीवर उपचार घेण्यासाठी गेलेल्या सागर गायकवाड या तरुणाला गर्भाशय असल्याचा धक्कादायक अहवाल प्रसिध्द दीनानाथ मंगेशकर रुग्णालयाने नुकताच दिला आहे. चक्रावलेल्या सागर गायकवाड यांनी थेट फॅमिली डॉक्टरकडे धाव घेतल्यानंतर हा अहवाल चुकीचा असल्याचे उघड आले. या घडलेल्या अजब प्रकारामुळे दीनानाथ मंगेशकर रुग्णालयाचा अजब कारभार समोर आला आहे.

पोटदुखीने त्रस्त असलेल्या सागर गायकवाड यांनी मे रोजी फॅमिली डॉक्टरकडे धाव घेतली. मात्र पोटदुखीचा त्रास जास्त असल्याने डॉक्टरांनी त्यांना दीनानाथ रुग्णालयात जाऊन सोनोग्राफी करण्याचा सल्ला दिला. त्यानंतर गायकवाड यांनी दीनानाथ रुग्णालयात जाऊन सोनोग्राफी केली असता त्यांना चक्क गर्भाशय असल्याचा अहवाल रुग्णालय प्रशासनाने हातात दिला. या प्रकाराने चक्रावलेल्या गायकवाड यांनी दुस-या डॉक्टरांचा सल्ला घेणे पसंत केले. दुस-यांदा केलेल्या तपासणीत मात्र दीनानाथ रुग्णालयाने दिलेला अहवाल चुकीचा असल्याचे निष्पन्न झाले.

या सर्व प्रकारामुळे गायकवाड यांना मोठा मनस्ताप सहन करावा लागला. गायकवाड यांनी तब्बल दोन महिने तणावाखाली घालवले. झाला प्रकार त्यांनी मित्रमंडळींच्या कानावर घातला असता त्यांनाही हा सर्व प्रकार हास्यास्पद वाटला. हा अहवाल चुकीचा असल्याचे निष्पन्न झाल्यानंतर मात्र गायकवाड यांचा जीव भांड्यात पडला.

याबाबत रुग्णालयाचे संपर्क अधिकारी येडकीकर यांच्याशी संपर्क साधला असता त्यांनी याविषयी चौकशी करून माहिती देणार असल्याचे सांगितले. हा प्रकार हास्यास्पद वाटत असला तरी तो तितकाच गंभीर आहे. या सर्व प्रकारामुळे रुग्णालय कर्मचा-यांच्या छोट्या चुकीमुळे एखाद्याच्या आयुष्यात वादळ निर्माण निर्माण होऊ शकते. ही एक गंभीर घटना असून अशी चूक एखाद्याच्या जिवावरही बेतू शकते, त्यामुळे अशा घटना टाळण्यासाठी रुग्णालयांनी काळजीपूर्वक काम करणे आवश्यक आहे.