ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

दगडूशेठ गणपतीच्या मंडपाचं काम करताना मजुराचा अपघात

पुणे, दि. ४ - पुण्यातील श्रीमंत दगडूशेठ हलवाई गणपतीच्या ब्रम्हणस्पती मंदीराच्या देखाव्याचे शिखर काढताना एक कामगार अचानक कोसळला. यात तो गंभीर जखमी झाला आहे. राम जाधव (वय22) असं या कामगाराचं नाव आहे. त्याच्या मणक्याला मार लागला असून त्याच्यावर रुबी हॉल रुग्णालयात उपचार सुरु आहेत.

विसर्जन मिरवणुकीला अधिक उंचीच्या देखाव्यामुळे अडथळा येऊ नये, म्हणून मंडळातर्फे देखाव्याचे शिखर काढण्यात येत होते. परंतु अचानक क्रेनवर असणारे राम जाधव हे कोसळल्याची घटना घडली. ही सर्व घटना कॅमेरॅत कैद झाली आहे. शनिवारी पहाटे साडेतीन वाजता ही घटना घडली. याबाबत दगडूशेठ मंडळासोबत पत्रकांरानी संपर्क साधला असता विश्वस्त महेश सूर्यवंशी यांनी जाधव याला कोणतीही मोठी दुखापत झाली नसून केवळ हाताला खरचटले असल्याचेही त्यांनी नमूद केले.

शतकोत्तर रौप्यमहोत्सवी गणेशोत्सवानिमित्त यंदा दगडूशेठ गणपतीसाठी ब्रह्मणस्पती मंदिराचा देखावा साकारण्यात आला आहे. विसर्जनापूर्वी हा देखावा लोकांना पाहता यावा यासाठी त्याचा काही भाग काढण्याचं काम सुरु होतं. यावेळी क्रेनच्या साहाय्यानं हा मजूर देखाव्याचा कळस हलवत असताना त्याचा तोल गेला आणि तो खाली पडला. यानंतर त्याला तत्काळ उपचारासाठी रुबी हॉल रुग्णालयात दाखल करण्यात आलं आहे.