ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

महापालिकेच्या 128 जागांसाठी 1358 उमेदवार


पिंपरी, दि. 5 (न्यूज मेट्रो) - पिंपरी-चिंचवड महापालिकेच्या निवडणुकीसाठी 128 जागांसाठी 1358 उमेदवार निवडणुकीच्या रिंगणात असल्याचे छाननीनंतर स्पष्ट झाले आहे.

छाननी दरम्यान एकुण 143 उमेदवारी अर्ज बाज झाले असून त्यामध्ये त्यामध्ये काँग्रेसचे नगरसेवक व अजमेरा- नेहरूनगर प्रभागातील उमेदवार सदगुरु  कदम, माजी उपमहापौर व राष्ट्रवादीच्या नगरसेविका झामाबाई बारणे, मनसेचे उमेदवार शशी राजेगावकर या प्रमुख उमेदवारांचा समावेश आहे. मंगळवारी (दि. 7) दुपारी तीन वाजेपर्यंत अर्ज माघारीची मुदत आहे. मुदतीमध्ये कोण-कोण माघार घेणार त्यानंतर निवडणुकीच चित्र स्पष्ट होणार आहे.

पिंपरी-चिंचवड महापालिकेच्या निवडणुकीसाठी उमेदवारी अर्ज दाखल करावयाची मुदत शुक्रवार दि. 3 रोजी संपुष्टात आली. निवडणूक लढवू इच्छिणार्‍या 1501 जणांनी 128 जागांसाठी आपले उमेदवारी अर्ज दाखल केले. दाखल उमेदवारी अर्जांची शनिवारी दि. 4 रोजी छाननी पार पडली. छाननीदरम्यान एकुण 143 उमेदवारी अर्ज बाद ठरविण्यात आले तर 1358 अर्ज वैध ठरले आहेत.

आता सोमवारपासून (दि. 6) अर्ज माघार घेण्यास सुरूवात होणार आहे. अर्ज वैध ठरलेल्या उमेदवारांना मंगळवारी (दि. 7) दुपारी तीन वाजेपर्यंत आपला अर्ज मागे घेता येणार आहेत. बंडखोरी रोखण्यासाठी पुढील दोन दिवस राजकीय घडामोडींना वेग येणार आहे. मंगळवारी दुपारी दोन नंतर शहरातील निवडणुकीचे चित्र स्पष्ट होणार असून बुधवार दि. 8 रोजी उमेदवारांना निवडणूक चिन्हांचे वाटप होणार आहे.