ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

काँग्रेसच्या आडमुठ्या धोरणामुळे सोलापुरातील आघाडीत बिघाडी

सोलापुर, दि. 6 - सोलापूर महानगरपालिकेसाठी राष्ट्रवादी आणि काँग्रेसची बोलणी निश्चित झाल्यानंतर काँग्रेसच्या स्थानिक नेत्यांनी घेतलेल्या आडमुठ्या धोरणामुळे आघाडी फिस्कटली आहे. त्यामुळे राष्ट्रवादीचे नेते शरद पवार व काँग्रेसचे नेते सुशीलकुमार शिंदे यांनी घेतलेली सांमजस्य भूमिकाही आघाडी वाचवू शकली नाही.
सोलापूर महापालिकेच्या 102 जागांसाठी निवडणूक होत आहे. महापालिकेच्या सत्तेपासून शिवसेना आणि भाजपाला रोखण्यासाठी दोन्ही काँग्रेसने आघाडी करावी, असे पवार व शिंदे यांनी बजावले होते. त्यासाठी दोन्ही काँग्रेसने जागा वाटपासाठी चर्चा करण्यासाठी प्रत्येकी समन्वय समिती गठित केली होती. या समित्यांच्या पाच-सहावेळा बैठका झाल्या मात्र निर्णय झाला नाही.

राष्ट्रवादीकडे चाळीस ताकदीचे उमेदवार असल्यामुळे त्यांनी चाळी जागांवर दावा केला होता. मात्र काँग्रेसच्या आग्रहामुळे तो तीस पर्यंत आणण्यात आला. त्यामुळे होणार हे जवळजवळ स्पष्ट झाले होते. मात्र, काँग्रेसच्या आमदार प्रणिती शिंदे यांचा स्वतःचा शहर मध्ये विधानसभा मतदारसंघ अधिक सुरक्षित ठेवण्यासाठी राष्ट्रवादीवर अटी लादणे सुरू झाले. महापालिकेत राष्ट्रवादीच्या नगरसेवकांची संख्या 16 आहे. त्यापैकी 11 नगरसेवक शहर मध्य विधानसभा मतदारसंघातील आहेत. परंतू या विद्यमान 11 जागांपैकी 6 जागांवर राष्ट्रवादीने पाणी सोडावे, आणि उर्वरित 5 जागांवर समाधान मानावे, असा अव्यवहार्य अट्टाहास काँग्रेसने केला. हा अट्टाहास मान्य करणे राष्ट्रवादीला कदापि शक्य नव्हते. त्यामुळे याच मुद्दयावरून आघाडी न करता स्वतंत्र लढण्यास दोन्ही पक्षांनी प्राधान्य दिले.