ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

राष्ट्रपती पदासाठी लालकृष्ण अडवाणी हेच योग्य उमेदवार

नवी दिल्ली, दि. १४ (वृत्तसंस्था) - राष्ट्रपतीपदासाठी कोणाला उमेदवारी मिळणार हे भाजपने अद्याप गुलदस्त्यातच ठेवले आहे. तरीही राष्ट्रपतीपदासाठी अडवाणी यांना उमेदवारी देण्यात येऊ शकते, अशी राजकीय वर्तुळात चर्चा आहे. आता तर लालकृष्ण अडवाणी हेच राष्ट्रपती पदासाठी योग्य अनुभवी उमेदवार असल्याचे शत्रुघ्न सिन्हा यांनी म्हटल्यामुळे अनेक तर्क-वितर्कांना उधाण आले आहे.

निवडणूक आयोगाकडून नुकताच राष्ट्रपतीपदाच्या निवडणुकीचा कार्यक्रम जाहीर करण्यात आला आहे. या निवडणुकीवर संपूर्ण देशाचे लक्ष आहे. राष्ट्रपती पदासाठी भाजपकडून कोणाला उमेदवारी मिळणार याची सर्वांना उत्सुकता लागून आहे. दरम्यान अडवाणींना राष्ट्रपती पदाची उमेदवारी मिळावी, असे ट्विटरवर शत्रुघ्न सिन्हा यांनी म्हटले आहे. देश पक्षासाठी अडवाणी यांनी आपले सर्वस्व दिले असून राष्ट्रपती पदासाठी तेच योग्य उमेदवार आहेत. या शब्दांमध्ये सिन्हा यांनी अडवाणी यांचे समर्थन केले. अडवाणी हे देशासाठी काय करू शकतात हे दाखविण्याची संधी त्यांना कधीच मिळाली नाही. पंतप्रधान पदासाठी ते योग्य उमेदवार होते. तरीही त्यांना डावलण्यात आले, अशी खंतही सिन्हा यांनी व्यक्त केली.