ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कर्जमुक्तीला फाटा देण्यासाठी मध्यावधीचा घाट – उद्धव ठाकरे

शेगाव, दि. १५ - आम्ही मध्यावधीसाठी तयार असल्याचे मुख्यमंत्री देवेंद्र फडणवीस यांनी म्हटले असून याला शिवसेनेने जोरदार प्रत्युत्तर दिले आहे. शेतकऱ्यांच्या कर्जमुक्तीसाठी पैसे नाहीत अशावेळी मध्यावधी निवडणुकीसाठी पैसे आहेत का, असा सवाल शिवसेनेने केला आहे. शिवसेना पक्षप्रमुख उद्धव ठाकरे म्हणाले, मुख्यमत्र्यांचे मनसुबे पूर्ण होऊ देणार नाही. शेतकऱ्यांची कर्जमुक्ती केली नाही तर भूकंप होईल.

बुलडाणा जिल्ह्यातील शेगांव येथे उद्धव ठाकरे आज शेतकरी विजयी मेळाव्यासाठी आले आहेत. गुरुवारी सकाळी त्यांनी गजानन महाराज मंदिरात जाऊन दर्शन घेतले. यावेळी त्यांनी सरकारला शेतकऱ्यांच्या कर्जमुक्तीसाठी बळ आणि सदबुद्धी दे, अशी मागणी केल्याचे पत्रकार परिषदेत सांगितले.
उद्धव ठाकरे एका प्रश्नाच्या उत्तरात म्हणाले, मध्यावधीला मुख्यमंत्री तयार असल्याचे सांगून कर्जमुक्तीला फाटा देण्याचा तर विचार करत नाहीत ना, अशी शंका येत आहे. उद्धव ठाकरे म्हणाले, मध्यावधीसाठी तुमच्याकडे जो पैसा आहे, तो पैसा शेतकऱ्यांना द्या. त्याचा सातबारा कोरा करा. आमचा पाठिंबा तुम्हाला कायम राहील. त्यासोबतच उद्धव ठाकरे म्हणाले, या सरकारला कर्जमुक्त करण्याची इच्छा नाही. त्यासाठीच ते मध्यावधीची चर्चा करुन कर्जमुक्तीला फाटा देण्याचा प्रयत्न करत आहे.

शिवसेनेचे नेते खासदार संजय राऊत म्हणाले, मुख्यमंत्रीच जर बोलत असतील तर शिवसेनेला आपली भूमिका मांडावी लागेल. पण शेतकरी कर्जमुक्तीसाठी पैसे नाहीत अशावेळी निवडणुकीसाठी पैसे आहेत का, असा सवालही त्यांनी केला आहे. मुख्यमंत्र्यांनी भाजपमध्यावधीला तयार असल्याचे म्हटले होते. त्यावर गुरुवारी शिवसेनेने प्रतिक्रिया व्यक्त केली आहे. खासदार राऊत म्हणाले, मुख्यमंत्री जे बोलत असतील ती सरकारची भूमिका असेल तर युती कधीही तुटू शकते अशी परिस्थिती आहे. राऊत यांनी, मुख्यमंत्र्यांनी केलेले ट्विट ही सरकारची भूमिका असण्याची शक्यता फेटाळली आहे. ते म्हणाले, मला असे वाटते की ती मुख्यमंत्र्यांची भूमिका नाही. मुख्यमंत्री कार्यालयातून जर कोणी बोलले असेल तर ती भूमिका सरकारची की मुख्यमंत्र्यांची हे कोण सांगेल…? त्यासोबतच राऊत म्हणाले, प्रत्यक्ष मुख्यमंत्रीच बोलत असतील तर त्याच्यावर शिवसेनेची भूमिका आम्हाला मांडावी लागेल.