ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

दोन कट्टर विरोधक येणार एकाच व्यासपीठावर

मुंबई, दि. २१ - ब-याचवर्षांनी एकत्र एकाच व्यासपीठावर राजकारणात परस्परांचे कट्टर विरोधक असलेले शिवसेनेचे पक्षप्रमुख उद्धव ठाकरे आणि काँग्रेस नेते नारायण राणे येण्याचा योग जुळून आला असून २३ जूनला सिंधुदुर्ग जिल्ह्यात कुडाळ येथे मुंबई-गोवा महामार्गाच्या चौपदरीकरणाचा भूमिपूजन कार्यक्रम होणार आहे. हे दोन्ही नेते यानिमित्ताने एकाच व्यासपीठावर येऊ शकतात.

शिवसेनेचे आमदार सिंधुदुर्गात आहेत तसेच सत्तेत शिवसेना भाजपसोबत सहभागी असल्याने या भूमिपूजन कार्यक्रमाचे उद्धव यांना आमंत्रण आहे. राणे यांचे सुपूत्र नितेश राणे कणकवलीचे आमदार आहेत तर, नारायण राणे विधानपरिषदेचे आमदार असल्यामुळे राजशिष्टाचारानुसार या कार्यक्रमाचे त्यांनाही निमंत्रण आहे. नारायण राणेंना २००५साली शिवसेनेतून बाहेर काढल्यानंतर उद्धव ठाकरे आणि नारायण राणेंमध्ये प्रचंड संघर्ष झाला होता.

त्यावेळी नारायण राणेंसोबत काही आमदार, स्थानिक शिवसैनिक बाहेर पडले होते. त्यावेळी राणेंनी शिवसेनेला अनेक धक्के दिले होते. २००५साली मालवणात झालेली पोटनिवडणूक प्रचंड गाजली होती. राणेंनी त्यावेळी माझ्यासमोर उभे राहणा-या शिवसेनेच्या उमेदवाराचे डिपॉझिट जप्त होईल असा दावा केला होता. त्यानुसार शिवसेना उमेदवार परशुराम उपरकर यांचा दारुण पराभव झाला होता. शिवसेनेला आपले डिपॉझिटही वाचवता आले नव्हते. त्यानंतर सिंधुदुर्गातून जवळपास शिवसेनेचे अस्तित्वच संपुष्टात आले होते.