ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शेतकऱ्यांच्या समस्या जाणून घेण्यासाठी अभ्यासगट नेमावा - उद्धव ठाकरे

औरंगाबाद, दि. २६ - मी शेतकऱ्यांना कर्जमाफी देण्याच्या निर्णयावर समाधानी आहे. मात्र नगर आणि नाशिकमधील शेतकरी अजूनही नाराज आहे. आता सरकारने कर्जमाफीनंतर शेतकऱ्यांच्या समस्या जाणून घेण्यासाठी अभ्यासगट नेमावा अशी मागणी शिवसेना पक्षप्रमुख उद्धव ठाकरे यांनी केली आहे.

सोमवारी औरंगाबादमध्ये शिवसेना पक्षप्रमुख उद्धव ठाकरे यांनी पत्रकारांशी संवाद साधला. मी कर्जमाफीच्या निर्णयावर समाधानी असून मराठवाडा आणि विदर्भातील शेतकऱ्यांना दिलासाही मिळाला. पण रविवारच्या दौऱ्यातून अहमदनगर आणि नाशिक जिल्ह्यातील शेतकरी अजूनही असमाधानी असल्याचे जाणवले असे उद्धव ठाकरेंनी सांगितले. सरकारने कर्जमाफीनंतर शेतकऱ्यांच्या समस्या जाणून घेण्यासाठी एक अभ्यासगट नेमावा. मंत्र्यांचादेखील यामध्ये समावेश असावा आणि हा अभ्यासगट फक्त गृहपाठ करणार नाही असा टोला त्यांनी लगावला.

कर्जमाफी शेतकरी आणि शिवसेना एकत्र आल्यानेच मिळाली. कर्जमाफीचे श्रेय आम्हाला नको. पण कर्जमाफी फॅशन वाटणाऱ्यांकडून आम्ही कर्जमाफी करवून घेतली असे त्यांनी सांगितले. शेतकऱ्यांवरील गुन्हे तातडीने मागे घ्यावे अशी मागणीही त्यांनी केली. दुष्काळानंतर गेल्या वर्षी दमदार पावसाने हजेरी लावली. पण मग सरकारने नोटाबंदीचा निर्णय घेतल्याने शेतकऱ्यांवर पुन्हा संकट ओढावले असा आरोप उद्धव ठाकरेंनी केला.