ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

बसमध्ये भाजप नेत्याच्या कामलीला, बलात्काराचा गुन्हा दाखल

गडचिरोली, दि. ४ - भाजप नेत्याविरोधात धावत्या बसमध्ये अश्लिल चाळे केल्याप्रकरणी बलात्काराचा गुन्हा दाखल करण्यात आला असून त्याचे नाव रवींद्र बावनथडे असे असून, तो भाजपचा गडचिरोली जिल्हा सरचिटणीस आणि माजी महासचिव आहे. या घटनेचा व्हिडीओही व्हायरल झाला आहे. रवींद्र बावनथडे हा या व्हिडीओमध्ये चालत्या बसमध्ये एका तरुणीशी लैंगिक चाळे करताना दिसत आहे.

नोकरी आणि लग्नाचे आमिष दाखवून बावनथडेने बलात्कार केल्याचा आरोप, पीडित तरुणीने केला आहे. त्यानंतर चंद्रपुरातील नागभिड पोलीस ठाण्यात गुन्हा दाखल झाला आहे. २७ जूनला नागपूरवरुन नागभिडकडे जाणाऱ्या ट्रॅव्हल्समधून बावनथडे आणि एक तरुणी प्रवास करत होते. त्याने या बसमध्येच तरुणीशी शारीरिक संबंध प्रस्थापित केल्याचे व्हायरल व्हिडीओमध्ये दिसून येते.

हा सर्व प्रकार ट्रॅव्हल्समधील सीसीटीव्हीमध्ये कैद झाला. त्यानंतर हा व्हिडीओ व्हॉट्सअपवर व्हायरल झाला आहे. विशेष म्हणजे या बसमध्ये अनेक प्रवासी असूनही, बावनथडे शारीरिक संबंध करत असल्याचे या व्हिडीओत स्पष्ट दिसत आहे. संबंधित तरुणीने व्हिडीओ व्हायरल झाल्यानंतर पोलिस स्टेशन गाठून बलात्काराचा खटला तिने दाखल केला. तिने बावनथडेवर नोकरीचे आणि लग्नाचे आमिष दाखवून बलात्कार केल्याचा आरोप केला आहे. पोलिसांनी गुन्हा दाखल केला असून, आरोपी रवींद्र बावनथडे सध्या फरार असल्याचे सांगण्यात येत आहे. पोलीस त्याचा शोध घेत आहेत.