ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

आता मी कोणालाच घाबरत नाही – शरद यादव

मुझफ्फरपुर, दि. १२ (वृत्तसंस्था) - आपल्याविरोधात कारवाई करण्याची दिलेली धमकी जदयूचे वरिष्ठ नेते शरद यादव यांनी फेटाळून लावली आहे. शरद यादव बिहारमधील महाआघाडी तोडून भाजपाशी हातमिळवणी केल्याने मुख्यमंत्री नितीश कुमार यांच्यावर नाराज आहेत. त्यांनी आपली ही नाराजी उघड केली असून, नितीश कुमार यांच्यावर टीकाही केली आहे. दरम्यान जदयूमधील काही नेते शरद यादव यांच्यावर कारवाई करण्यात यावी अशी मागणी करत असल्याच्या वृत्तावर बोलताना, आपण माजी पंतप्रधान इंदिर गांधींच्या विरोधातही उभे राहिलो होतो, आणि आता कोणालाच घाबरत नाही असे सांगितले आहे.

याबाबत बोलताना जदयूचे संसदीय नेते शरद यादव यांनी म्हटले आहे की, मला घाबरवण्याचा काही नेते प्रयत्न करत आहेत. इंदिरा गांधींचाही मी घाबरता सामना केला आहे. मग मला घाबरवणारे हे कोण ? शरद यादव यांनी राज्यात नितीश कुमार यांच्या निर्णयाविरोधात आपली नाराजी आणि विरोध लोकांसमोर मांडण्यासाठी संवाद यात्रा काढली असून लोकांशी संवाद साधताना त्यांनी हे वक्तव्य केले आहे.

आपल्यामध्ये आणि नितीश कुमार यांच्यात पुन्हा सगळे नीट होण्याची कोणतीच शक्यता नसल्याचे शरद यादव यांनी यावेळी स्पष्ट केले आहे. नितीश कुमार यांचा भाजपासोबत जाण्याचा निर्णय अयोग्य ठरवत लोकांचा विश्वासघात केल्याचा आरोप याआधीच शरद यादव यांनी केला आहे.