ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आमच्यात ढवळाढवळ करू नका, लिंगायत नेत्यांचा सरसंघचालकांना इशारा

हुबळी, दि. २३ (वृत्तसंस्था) - कर्नाटकमध्ये पुढील वर्षी होऊ घातलेली विधानसभा निवडणूक सरसंघचालक मोहन भागवत यांच्या भूमिकेमुळे भाजपसाठी अवघड ठरण्याची शक्यता असून सध्या कर्नाटकमध्ये लिंगायत समाजाला स्वतंत्र धर्माचा दर्जा द्यावा या मागणीसाठी आंदोलन सुरू आहे. बेळगावमध्ये यासाठी काल मोर्चाही काढण्यात आला होता. त्यावेळी लिंगायत समाजाच्या नेत्यांनी सरसंघचालक मोहन भागवत यांना आमच्या प्रकरणात ढवळाढवळ करू नका, असा थेट संदेश दिला.

काही दिवसांपूर्वी हुबळी येथे लिंगायत समाजातील गुरूंची मोहन भागवत यांनी भेट घेतली होती. त्यावेळी भागवतांनी लिंगायत समाजाला स्वतंत्र धर्माचा हट्ट सोडून द्या, असा सल्ला दिल्याचे समजते. माते महादेवी यांनी या पार्श्वभूमीवर बेळगावमधील कालच्या मोर्च्यात भागवत यांना खडे बोल सुनावले. आम्हाला परावृत्त करण्यापेक्षा सरसंघचालकांनी स्वत:चे राजकीय वजन वापरून आमचे म्हणणे पंतप्रधान नरेंद्र मोदी यांच्यापर्यंत पोहोचवावे. लिंगायत समाजाला जेणेकरून स्वतंत्र धर्माचा दर्जा मिळण्याच्या प्रक्रियेला गती मिळेल. मोहन भागवतांप्रमाणे आम्ही पुराणकालीन मुल्यांना नव्हे तर आधुनिक लोकशाहीच्या मुल्यांना धरून जगत असल्यामुळे आम्हाला त्यांच्याकडून सल्ला घेण्याची काडीमात्र गरज नसल्याचे माते महादेवी यांनी म्हटले.