ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पक्षाच्या विरोधातील गद्दारांना माफी नाही - राहुल गांधी

अहमदाबाद, दि. ४ (वृत्तसंस्था) - पक्षात राहून पक्षाच्या विरोधात कारवाया करणाऱ्या गद्दारांना कोणत्याही परिस्थितीत माफी देण्यात येणार नसल्याचा इशारा काँग्रेस उपाध्यक्ष राहुल गांधी यांनी दिला. केवळ भारतीय जनता पक्ष आणि त्याची मातृसंस्था असलेल्या राष्ट्रीय स्वयंसेवक संघाच्या विरोधात ठामपणे काम करणाऱ्या व्यक्तींनाच गुजरातच्या विधानसभा निवडणुकीत उमेदवारी दिली जाईल; असेही राहुल यांनी सुनावले आहे.

राहुल गांधी यांनी अहमदाबाद येथे जाहीर सभा घेऊन गुजरातच्या विधानसभा निवडणुकीचे रणशिंग फुंकले. यावेळी बोलताना राहुल यांनी पक्षातील घरभेद्यांना सज्जड डाँ दिला. पक्षात राहून पक्षाच्या पराभवाची पायाभरणी करणाऱ्यांची कोणतीही गय केली जाणार नाही. जे स्थानिक पातळीवरील जनतेच्या संपर्कात राहून भाजप आणि आरएसएसच्या विरोधात प्रभावीपणे काम करीत आहेत; अशांनाच या निवडणुकीत पक्षाची उमेदवारी दिली जाईल. पक्षातील गद्दार आणि आयात उमेदवारांना या निवडणुकीत तिकीट मिळणार नाही; असे राहुल यांनी सांगितले.

या सभेत केलेल्या भाषणात राहुल यांनी प्रसारमाध्यमांवरही तोफ डागली. प्रसारमाध्यमे ही छोटे व्यावसायिक अथवा शेतकरी चालवीत नाहीत; तर ती पंतप्रधान नरेंद्र मोदी यांच्या जवळचे दोन-चार बगलबच्च्चे चालवितात; अशी टीका त्यांनी केली. माध्यमातील काही लोक मोदींच्या विरोधात लिहू इच्छितात. मात्र सध्याचा जमाना दडपशाहीचा आहे. या काळात सरकार आणि पंतप्रधानांच्या विरोधात लिहिणाऱ्यांवर दडपशाही केली जाते. प्रसंगी त्यांना धमकावले आणि झोपले जाते; असा आरोपही राहुल यांनी केला.

राहुल गांधी यांच्या या सभेचे वैशिष्ट्य म्हणजे त्यांनी या सभेत एखाद्या राजकीय नेत्याप्रमाणे माईकसमोर उभे राहून भाषण करता एखाद्या व्यावसायिक प्रशिक्षकाप्रमाणे अथवा प्रेरक वक्त्याप्रमाणे इंग्रजी अक्षर टी आकाराच्या स्टेजवर हातात माईक घेऊन फिरताना आपले भाषण केले. या सभेनंतर राहुल अहमदाबादमधील व्यावसायिक, छोटे व्यापारी, प्रदेश काँग्रेस प्रदाधिकारी यांच्याशी स्वतंत्रपणे चर्चा केली.