ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

जलयुक्त शिवारच्या माध्यमातून प्रत्येक गाव टंचाईमुक्त करु - मुख्यमंत्री

नागपूर, दि. ९ (प्रतिनिधी) - माझ्या गावात पडणारा प्रत्येक पावसाचा थेंब माझ्या मालकीचा आहे. पावसाचा प्रत्येक थेंब अडवून माझ्या गावचे शिवार जलयुक्त करण्याचा संकल्प प्रत्येकाने करण्याचे आवाहन करतानाच उद्योग समूह, स्वयंसेवी संस्थानी राष्ट्रीय कर्तव्य म्हणून जलयुक्त शिवार अभियानासाठी पुढाकार घेऊन राज्यातील प्रत्येक गाव टंचाईमुक्त करण्यासाठी सहभाग घ्यावा, असे आवाहन मुख्यमंत्री देवेंद्र फडणवीस यांनी केले.

हिंगणा तालुक्यातील मौजा अंबाझरी येथील ३६ किलोमीटर नाला खोलीकरण व रुंदीकरण्याच्या कामाचा शुभारंभ मुख्यमंत्री श्री.फडणवीस यांच्या हस्ते झाला. त्याप्रसंगी आयोजित कार्यक्रमात ते बोलत होते. अध्यक्षस्थानी ऊर्जा मंत्री तथा पालकमंत्री चंद्रशेखर बावनकुळे होते. 

मुख्यमंत्री म्हणाले की, हवामानातील बदलामुळे पावसाचे दिवस कमी होत असून, पावसाचा खंड पडत असल्याने शेतीवर मोठ्या प्रमाणावर परिणाम होत आहे. राज्याला दुष्काळी परिस्थितीचा सामना करावा लागत आहे. जलयुक्त शिवार अभियानाच्या माध्यमातून २० हजार गावे टंचाईमुक्त करण्यासोबतच प्रत्येक गावातील पाण्याचा ताळेबंद ठेवून उपलब्ध पाणी व आवश्यक असलेले पाणी गावाच्या शिवारातच पाणलोट विकासाच्या माध्यमातून उपलब्ध करुन देण्यात येईल. यासाठी वैज्ञानिक दृष्टीने माथा ते पायथा या प्रणालीनुसार जास्तीत जास्त पाणी अडविण्यात येणार आहे.

जलयुक्त शिवार अभियानाच्या माध्यमातून २४ टीमसी पाणी उपलब्ध झाले असून, यावर केवळ १ हजार ४०० कोटी रुपये खर्च झाले आहेत. यापैकी ३०० कोटी रुपये लोक सहभागातून उपलब्ध झाले आहेत. यात राज्यातील सामाजिक संस्था, उद्योग समूह व सामान्य जनतेचाही सहभाग आहे. पाणी आहे तेथे समृद्धी आहे. पाण्याचा संबंध समृद्धीशी असल्यामुळे प्रत्येक गावात जलसमृद्धी पोहोचविण्यासोबतच विजेचे कनेक्शनही तत्काळ उपलब्ध करुन देण्याच्या योजनेअंतर्गत मागास भागातील ५८ हजार कृषीपंपांना वीज जोडणी दिल्यामुळेच शेतकऱ्यांच्या जीवनात सकारात्मक परिवर्तन होत असल्याचे मुख्यमंत्र्यांनी सांगितले.

आर्ट ऑफ लिव्हिंग या स्वयंसेवी संस्थेने वैज्ञानिक पद्धतीने जलसंधारणाच्या कामात सहकार्य केले असून परसिस्टंट या उद्योग समूहानेही जलयुक्त शिवार अभियानासाठी पुढाकार घेऊन प्रशासनातील सर्व विभाग एकत्र येऊन काम करीत असल्यामुळे राज्य टंचाईमुक्त करण्यासाठी सहकार्य मिळत असल्याचेही त्यांनी सांगितले. दुष्काळ हा नैसर्गिक नसून मानवनिर्मित असल्यामुळे निर्सगाने दिलेले नदी नाले समृद्ध करुन महाराष्ट्र सुजलाम सुफलाम करुया, असे आवाहनही मुख्यमंत्र्यांनी केले.

श्री. बावनकुळे म्हणाले की, सोलर कृषीपंपाच्या माध्यमातून शेतकऱ्यांना १२ तास अखंडीत वीजपुरवठा देण्याच्या धोरणानुसार संपूर्ण फिडर सोलरवर रुपांतरीत करून जुने पंप बदलवून कमी ऊर्जा खर्च करणारे पंप दिले. तसेच शेतकऱ्याने अर्ज करताच एक महिन्यात विजेची जोडणी दिली. या उपक्रमासोबतच मुख्यमंत्री ग्राम सडक योजनेच्या माध्यमातून शेतात जाणाऱ्या पांदन रस्त्याची बांधणी करणारा महत्वाकांक्षी कार्यक्रम राबविण्यात येणार आहे. यासाठी लोकसहभाग वाढविण्याची आवश्यकता त्यांनी व्यक्त केली.

या वेळी नैसर्गिक आपत्तीमध्ये नुकसान झालेल्या शेतकऱ्यांना मुख्यमंत्री श्री. फडणवीस यांच्या हस्ते अनुदानाचे वाटप करण्यात आले.