ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

कौशल्यविकासाद्वारे मागासवर्गीय युवकांना रोजगाराची संधी द्या - राजकुमार बडोले

जळगाव, दि. ९ (प्रतिनिधी) - मागासवर्गीय घटकातील युवकांना कौशल्यविकास कार्यक्रमाच्या माध्यमातून प्रशिक्षीत करा व त्यांना रोजगाराची संधी उपलब्ध करुन द्या, असे निर्देश सामाजिक न्याय व विशेष सहाय्य मंत्री राजकुमार बडोले यांनी अधिकाऱ्यांना दिले.

येथील अजिंठा विश्रामगृहावर आयोजित नाशिक विभागीय आढावा बैठकीत श्री. बडोले बोलत होते. बैठकीला आमदार स्मिताताई वाघ, आमदार गुरुमुख जगवाणी, सामाजिक न्याय विभागाचे विभागीय आयुक्त के.एन. गवळे, जातपडताळणी समितीचे संशोधन अधिकारी प्रशांत चव्हाण, सहाय्यक आयुक्त राकेश पाटील, वैशाली हिंगे, वंदना कोचुरे, राकेश महाजन आदी उपस्थित होते.

श्री. बडोले यांनी जिल्हानिहाय व योजनानिहाय आढावा घेतला. त्यात ऑनलाईन शिष्यवृत्ती प्रक्रियेतील विविध टप्प्यांचे सुलभीकरण करुन विद्यार्थ्यांना होणारा त्रास कमी करण्याबाबत उपाययोजना करण्याचे त्यांनी सांगितले. तसेच वसतीगृह प्रवेश प्रक्रियेसंदर्भात योग्य ती पावले उचलण्यात येतील. ज्याठिकाणी विद्यार्थी शैक्षणिक प्रवेशासाठी जास्त संख्येने येतात त्याठिकाणी नवीन वसतीगृहे उभारण्याबाबत प्रस्ताव सादर करण्याच्या सूचनाही त्यांनी संबंधितांना दिल्या.

लाभार्थ्यांपर्यंत योजनांचा लाभ पोहोचवावा म्हणून महामंडळांनी आपल्या कर्जवाटप योजनांची शिबीरे गावपातळीवर घ्यावीत व लाभार्थ्यांना कर्ज वाटपाचा लाभ द्यावा. सामाजिक न्याय विभागाच्या अनेक योजनांचे निकष, स्वरुप, लाभार्थ्यांच्या निवडीचे निकष हे जुने झाले असून नवीन परिस्थितीनुसार त्यात सुसंगतता यावी यासाठी सर्व योजनांच्या निकषांच्या पुनर्रचनेसंदर्भात यशदा येथे अधिकाऱ्यांचे प्रशिक्षण व कार्यशाळा आयोजित करावी, अशी सुचनाही त्यांनी केली.

मागासवर्गीय विद्यार्थ्यांना रोजगाराच्या संधीसाठी कौशल्य विकास कार्यक्रमाचा आधार घेणे, स्पर्धा परीक्षा मार्गदर्शन व विदेशात शिक्षणाला जाण्यासाठी प्रवेश परिक्षांसाठी पूर्वतयारीबाबत मार्गदर्शन करणे यासंदर्भात विशेष प्रयत्न अधिकाऱ्यांनी करावेत, अशी सुचनाही श्री. बडोले यांनी केली. सूत्रसंचालन प्रशांत चव्हाण यांनी केले.