ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आईनेच दिली मुलाच्या हत्येची सुपारी

नागपूर, दि. १८ (प्रतिनिधी) - दारूडय़ा मुलाच्या त्रासाला कंटाळून जन्मदात्या आईनेच त्याची गुडांकरवी हत्या घडवून आणल्याचा धक्कादायक प्रकार नागपूर येथे उघडकीस आला. याप्रकरणी पोलिसांनी त्याच्या आईसह चारही आरोपींना अटक केली आहे.

महेश वासनिक, असे हत्या झालेल्या दारूडय़ा मुलाचे, तर लताबाई वासनिक असे अटक केलेल्या त्याच्या आईचे नाव आहे. नागपूरच्या लोखंडेनगर भागात लताबाई मुलगा महेशसोबत वास्तव्यास आहेत. महेशला दारूचे व्यसन असल्याने तो नेहमी आईकडे दारूसाठी पैशाची मागणी करायचा. पैस न दिल्यास शिवीगाळ आणि मारहाणही करीत असे. सहा महिन्यांपूर्वी त्याने पैशासाठी आईला बेदम मारहाण केली होती. त्यात गंभीर दुखापत झाल्याने लताबाई यांना रूग्णालयात दाखल करावे लागले होते. अखेर महेशच्या सततच्या त्रासाला कंटाळून लताबाई यांनी चार गुंडांना त्याच्या हत्येची सुपारी दिली.

त्यानंतर लोखंडे नगर परिसरात राहणाऱ्या भौतिक, अंकेश मंडलेकर आणि रवि पटेल या तिघांनी महेशला दारूच्या नशेत गाठले आणि त्याची गळा दाबून हत्या केली. शवविच्छेदन अहवालात महेशची हत्या झाल्याचे स्पष्ट झाले. तसेच हत्या झाल्याच्या दिवशी लताबाई आणि तिघा मारेकऱ्यांमध्ये मोबाईलवरून संभाषण झाल्याचे उघड झाल्यानंतर पोलिसांनी लताबाईसह याप्रकरणातील चारही आरोपींना बेडय़ा ठोकल्या.