ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

एक हजार ८६० शेतकऱ्यांची सावकाराच्या जाचातून सुटका

वर्धा २५ (प्रतिनिधी) - शेतकऱ्यांनी परवानाधारक सावकाराकडून घेतलेल्या संपूर्ण कर्ज माफ करण्याच्या निर्णयामुळे जिल्ह्यातील १ हजार ८६० शेतकऱ्यांना लाभ मिळाला आहे. शेतकऱ्यांच्या सावकाराकडील २ कोटी ४९ लाख ५३ हजार ६४९ रुपयांचे कर्ज माफ झाले आहे.

परवानाधारक सावकाराकडून शेतकऱ्यांनी शेतीसाठी घेतलेल्या कर्जाच्या माफीच्या शासनाच्या निर्णयाचा जिल्ह्यातील शेतकऱ्यांना दिलासा मिळाला असून सावकराकडे कर्जासाठी गहाण ठेवलेल्या मौल्यवान वस्तूसह शेती व इतर मालमत्ता त्यांना परत मिळाली आहे. परवानाधारक सावकाराने शेतकऱ्यांना दिलेले कर्ज शासनाच्या या निर्णयामुळे सावकारांच्या खात्यात थेट जमा झाले आहे.

परवानाधारक सावकाराकडून कर्जमाफ करण्याच्या निर्णयानुसार तालुकास्तरावर समितीतर्फे परवानाधारक सावकाराकडून घेतलेल्या कर्जासंबंधी माहिती संकलित करून संबंधीत तहसीलदाराकडून छानणी केल्यानंतर जिल्हास्तरीय समितीतर्फे सावकारी कर्ज प्रकरणे मंजूर करण्यात येतात. जिल्ह्यात झालेल्या पहिल्या बैठकीत ४५४ शेतकऱ्यांचे ५२ लाख ४ हजार १६० रुपयांचे तसेच दुसऱ्या बैठकीत १ हजार ६५ कर्जदार शेतकऱ्यांची १ कोटी ५६ लाख १० हजार १८४ रुपयांचे कर्ज माफ करण्यात आले होते. तसेच मंगळवारी झालेल्या तिसऱ्या बैठकीत ३४१ शेतकऱ्यांकडे असलेले ३२ लाख ३९ हजार ३०५ शेतकऱ्यांकडे असलेले कर्ज माफ करण्यात आले, असल्याचा निर्णय घेण्यात आला आहे.