ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

भाजपच्या आणखी एका आमदारास तीन महिने कारावास

पांढरकवडा (जि. यवतमाळ), दि. २८ (प्रतिनिधी) - वीज वितरण कंपनीच्या कार्यालयात जाऊन तेथील सहायक लेखापालास धमकी दिल्याप्रकरणी भाजप आमदार राजू नारायण तोडसाम यांना केळापूर येथील न्यायालयाने तीन महिने कारावास आणि १० हजार रुपये दंडाची शिक्षा ठोठावली आहे. तोडसाम हे पांढरकवडा-आर्णी मतदारसंघातून भाजपच्या तिकिटावर निवडून आले आहेत. 

राजू तोडसाम हे १७ डिसेंबर २०१३ रोजी महाराष्ट्र राज्य वीज वितरण कंपनीच्या पांढरकवडा उपविभागाच्या कार्यालयात वीज देयकाबाबत चौकशीसाठी गेले होते. त्या वेळी तोडसाम यांनी उपस्थित कर्मचाऱ्यांना शिवीगाळ केली. आकोत या अधिकाऱ्यांची कॉलर पकडून त्यांना जिवे मारण्याची धमकी दिली. त्यामुळे आकोत यांनी पांढरकवडा पोलिस ठाण्यात तक्रार दिली. त्यावरून आमदार राजू तोडसाम यांच्याविरुद्ध भादंविच्या कलम ३५३, २९३ व ५०६ नुसार गुन्हा नोंदवण्यात आला होता. 
 
या प्रकरणाच्या सुनावणीनंतर तक्रारदार विलास आकोत यांच्यासह १० जणांच्या साक्षी ग्राह्य धरून सहदिवाणी न्यायाधीश व प्रथम श्रेणी न्यायदंडाधिकारी एच. ए. वाणी यांनी आमदार राजू तोडसाम यांना ३ महिने कारावास व १० हजार रुपये दंडाची शिक्षा सुनावली. 

महिनाभरापूर्वीच भाजपचे आमदार सुधीर पारवे यांनाही न्यायालयाने शिक्षकाला मारहाण केल्याप्रकरणी तीन महिन्यांचा कारावास सुनावला आहे. मात्र त्याविरोधात पारवे यांनी उच्च न्यायालयातून जामीन मिळवला आहे.