ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

अनुभूती स्कूलच्या सोहळ्यात विविध कलागुणांचे सादरीकरण

जळगाव, दि. १५ (प्रतिनिधी) - भारतीय संस्कार, संस्कृती आणि मूल्यांच्या शाश्वत आधारित आंतरराष्ट्रीय दर्जाचे उद्योगाभिमुख शिक्षण, हे अनुभूती इंटरनॅशनल रेसिडेन्शियल स्कूलचे वैशिष्ट्य येथील विद्यार्थ्यांनी आपल्या कलागुणांच्या आधारे सादर केले आणि उपस्थितांची वाहवा मिळविली. निमित्त होते अनुभूती स्कूलच्या स्थापना दिनानिमित्त सादर करण्यात आलेल्या सांस्कृतिक सोहळ्याचे.

दरवर्षीप्रमाणे यंदाही (१३ आणि १४ डिसेंबर रोजी ) अनुभूती शाळेचा स्थापना दिन सोहळा मोठ्या उत्साहात साजरा झाला. या सोहळ्याचे उदघाटन प्रसिद्ध अभिनेते राहुल सोलापूरकर आणि अनुभूती स्कूलचे संस्थापक भवरलालजी जैन यांच्या हस्ते दीपप्रज्वलनाने झाले. अनुभूतीच्या संचालिका सौ. निशा जैन, प्राचार्या श्रीमती सुषा सतीश यांच्यासह मान्यवर यावेळी उपस्थित होते. या दोन दिवसिय सोहळ्यात पहिल्या दिवशी इयत्ता पाचवी ते आठवीच्या विद्यार्थ्यांनी विविध कलागुणांचे सादरीकरण केले. अन्नाची नासाडी करू नका, आरोग्याला त्रासदायक जंकफूडचे सेवन करून नका, हिरव्या भाज्या, फळे यांचे सेवन करा, नियमित योगा आणि व्यायाम करून आरोग्य चांगले ठेवा, पर्यावरणाचे रक्षण करा, पाणी बचत करा यासारखे संदेश संगीत आणि नाट्य सादरीकरणाद्वारे देण्यात आले. त्यानंतर विद्यार्थ्यांनी सादर केलेल्या सामुहिक तबला वादनासह, गिटार, हार्मोनियम, बासरी यासारख्या वाद्यांच्या सादरीकरणाने उपस्थितांचे लक्ष वेधून घेतले. कार्यक्रमादरम्यान कला विभागाच्या विद्यार्थ्यांनी कॅनव्हॉसवर सुरेख चित्र रेखाटले.

दुसऱ्या दिवशी इयत्ता नववी ते बारावीतील विद्यार्थ्यांनी देशातील विविध प्रांत आणि त्यांच्या संस्कृतीचे दर्शन नृत्य आणि नाट्याविष्कारातून उपस्थितांना घडविले. त्यात प्रामुख्याने महाराष्ट्र, गुजरात, राजस्थान, पूर्वांचल, दक्षिण भारत या प्रांतांची वैशिष्ट्यांचा समावेश होता. यादरम्यान विद्यार्थ्यांनी वाळूचे उत्कृष्ट शिल्पही साकारले. अनुभूती शाळेतून उत्तीर्ण होऊन विविध अभ्यासक्रमांसाठी बाहेर गेलेल्या माजी विद्यार्थ्यांनी अनुभूती शाळेतील भावपूर्ण आठवणींना उजाळा दिला. यावेळी गांधी विचार परीक्षेसह, शैक्षणिक वर्षात प्राविण्य संपादन केलेल्या विद्यार्थ्यांना मान्यवरांच्या हस्ते पारितोषिके प्रदान करण्यात आली. या कार्यक्रमासाठी राज्यासह देशातील विविध भागांतून विद्यार्थ्यांचे पालक मोठ्या संख्येने हजर होते.