ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

वन्यप्राण्यांमुळे होणाऱ्या पिकाच्या नुकसानीसाठी देण्यात येणारी रक्कम झाली दुप्पट

नागपूर, दि. २१ (प्रतिनिधी) - वन्यप्राण्यांमुळे शेतकऱ्यांच्या शेतातील पिकाचे नुकसान होते. ही नुकसान भरपाई देण्यासाठी ९ जुलै, २०१५ च्या शासन निर्णयानुसार नुकसानीपोटी देण्यात येणारी रक्कम दुप्पट करण्यात आली आहे. नुकसान भरपाईसाठी कमीत कमी १ हजार रुपये ते जास्तीत जास्त १० हजार रुपयाचा धनादेश देण्यात येतो, असे वनमंत्री सुधीर मुनगंटीवार यांनी विधानसभेत सांगितले.

सदस्य सर्वश्री शंभुराज देसाई, शशिकांत शिंदे, आशिष देशमुख, विजय वड्डेटीवार, राहुल कुल यांनी मांडलेल्या तारांकित प्रश्नाला उत्तर देताना श्री. मुंनगटीवार बोलत होते. ते पुढे म्हणाले की, वन्यप्राण्यांमुळे शेतकऱ्यांचे होणारे नुकसान रोखण्यासाठी राज्य शासनाने सोलर कुंपण योजना आखली होती. त्या योजनेचे मूल्यमापन केले असता ती पूर्णत: अपयशी ठरली आहे. शेतकऱ्यांच्या पिकाचे नुकसान रोखण्यासाठी चरी खोदणे, दगडी भिंत बांधण्याकरिता समिती तयार करण्यात आली असून समितीचा अहवाल आल्यानंतर निर्णय घेण्यात येईल, असेही त्यांनी यावेळी सांगितले.

श्री. मुनगंटीवार म्हणाले की, नुकसान भरपाईपोटी देण्यात येणारी रक्कम दुप्पट करण्यात आली आहे. पिकाचे कितीही नुकसान झाले तरी मदत करताना अर्थसंकल्पात तरतूद नसली तरी आम्ही मदत देण्यासाठी उणी सिस्टीम लागू केली आहे. नुकसानग्रस्तांना मदत देण्यासाठी ज्या त्रुटी होत्या त्या दूर करुन उणी सिस्टीम कार्यान्वित केली आहे. सेवा हमी कायद्यांतर्गत राज्यात असणाऱ्या ४३ सेवांपैकी दहा सेवा वन विभागाच्या आहेत. नुकसान भरपाईपोटी देण्यात येणारी मदत २६ दिवसांच्या आत देण्यात येते.