ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

संतप्त जमावाने वेश्याव्यवसाय चालणारे घरच जाळले

अमरावती, दि. २४ (प्रतिनिधी) - शहरातील अंबाविहार येथे एका घरात सुरू असलेल्या वेश्याव्यवसाबद्दल नागरिकांनी पोलिसांत तक्रार देऊनही पोलीस कारवाई करत नसल्याचे पाहून संतप्त नागरिकांनी घरात घुसरून फर्निचरची मोडतोड केली तसेच गाद्या पेटवून दिल्या.

मिळालेल्या माहितीनुसार नागरिक वारंवार पोलिसांकडे येथील वेश्याव्यवसायाबद्दल तक्रर करीत होते. पोलीसही कारवाईचे नाटक करीत होते. प्रत्येक छाप्याची कुणकुण अगोदरच घरातील लोकांना लागत होती. त्यामुळे ते पसार होत होते. पोलीसही हात हलवत परत येत असत.

देहविक्री व्यवसायामुळे परिसरातील युवती व महिलांना येथे येणाऱ्यांचा त्रास वाढत गेल्याने काल (बुधवारी) नागरिकांचा उद्रेक झाला. या भागातील महिला मोठ्या संख्येने पोलीस ठाण्यावर गेल्या. पोलिसांपुढे त्यांनी कैफियत मांडली. देहविक्री करणाऱ्या महिलेचा गुंड प्रवृत्तीचा अल्पवयीन मुलगा परिसरात गोंधळ घालत असल्याचे सांगण्यात आले. पोलिसांनीही तातडीने कारवाई करतो असे आश्वासन दिले. 

पोलीस कारवाई करणार असल्याने महिला पोलीस ठाण्यातून निघून महिलेच्या घरासमोर जाऊन थांबले. परंतु बराच वेळ झाला तरी पोलीस आलेच नाहीत. त्यामुळे नागरिक संतप्त झाले. त्यांनी बंगल्याच्या गेटचे कुलूप तोडून बंगल्यात प्रवेश केला. घरातील साहित्याची प्रचंड नासधूस केली. टायर व रॉकेलच्या साहाय्याने गाद्या व अन्य साहित्य जाळले. जवळपास दोनशे महिला व पुरुष या वेळी उपस्थित होते. तोडफोड व जाळपोळीनंतर जवळपास तासभराने पोलीस घटनास्थळी पोहोचले.