ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

काँग्रेस-राष्ट्रवादीवर बंदी घाला - नंदकुमार जाधव

जळगाव, दि. २८ (प्रतिनिधी) - ‘साहित्यिक भालचंद्र नेमाडे यांनी भगवान श्रीकृष्णाला व्यभिचारी व ड्रायव्हर संबोधले. त्यांचे असले उद्योग खपवून घेणार नाही,’ असा इशारा सनातन संस्थेचे संत नंदकुमार जाधव यांनी रविवारी एका सभेत दिला. सनातन संस्थेवर बंदी आणण्याचा कंठशोष करणाऱ्यांच्या मागणीला आम्ही भीक घालत नाही. सनातनवर बंदी घालायची भाषा करत असाल, तर शिखांची कत्तल घडवून आणणाऱ्या काँग्रेसवर आधी बंदी घाला. तसेच पद्मसिंह पाटील खुनी असल्याचे सिद्ध झाले असतानाही त्यांना पक्षात ठेवणाऱ्या राष्ट्रवादीवरही बंदी घाला, असे आव्हान त्यांनी दिले.

सनातन संस्था व हिंदू जनजागृती समितीतर्फे जळगावात धर्मजागृती सभा आयोजित करण्यात आली होती. व्यासपीठावर श्रीराम युवा सेनेचे संस्थापक-अध्यक्ष आमदार राजासिंह ठाकूर, सनातन संस्थेच्या प्रचारसेविका स्वाती खाडे व हिंदू जनजागृती समितीचे राज्य संघटक सुनील घनवट उपस्थित होते.

जाधव म्हणाले की, ‘गोमांस खाणारे, काश्मीरमध्ये पाकिस्तानचे झेंडे फडकवणारे, बंगालमधील हिंदूंचा छळ पाहून शाहरुख व आमिर खानचे तोंड का उघडत नाही? मात्र, दादरी प्रकरणानंतर शाहरुखला असहिष्णुता आठवते व आमिर दुसऱ्या देशात जाण्याची भाषा करतो. त्यांनी खुशाल जावे; परंतु येथे कमावलेली संपत्ती सरकारच्या स्वाधीन करावी. आता जनतेनेही त्यांच्या चित्रपटांवर बहिष्कार टाकावा,’ असे आवाहनही जाधव यांनी केले.

कॉ.पानसरे हत्या प्रकरणात समीर गायकवाडला अटक केली आहे; पण तो निर्दोष असून त्याला गोवले गेले आहे. त्याचप्रमाणे साध्वी प्रज्ञा सिंह व कर्नल पुरोहित हे देशभक्त आहेत. हिंदूंना धर्मशिक्षण देतो म्हणून आम्ही दहशतवादी आहोत का? सनातन संमोहित करून दहशतवादी कृत्य करून घेत असल्याचा आरोप करणारे श्याम मानवांसारखे खोटारडे लोक अंधश्रद्धा निर्मूलनाचे काम करताहेत. डॉ. दाभोलकरांचा भ्रष्टाचार उघडकीस आणला म्हणून त्यांनी सनातनवर आरोप केले होते, असेदेखील जाधव म्हणाले.