ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सरस्वतीच्या रत्नांचा जगभरात नावलौकिक - मुख्यमंत्री

नागपूर, दि. २९ (प्रतिनिधी) - सरस्वतीच्या रत्नांनी विविध क्षेत्रात जगभरात आपला नावलौकिक मिळविला आहे. सरस्वती विद्यालयासाठी ही अभिमानाची बाब असल्याचे प्रतिपादन मुख्यमंत्री देवेंद्र फडणवीस यांनी आज येथे केले.

सरस्वती विद्यालयाच्या माजी विद्यार्थ्यांचा मेळावा शाळेच्या प्रांगणात र‍विवारी झाला. या मेळाव्यात शाळेच्या पाच माजी विद्यार्थ्यांचा मुख्यमंत्र्यांच्या हस्ते सरस्वती रत्न पुरस्काराने गौरव करण्यात आला. त्यावेळी मुख्यमंत्री बोलत होते.

शाळा या खऱ्या अर्थाने संस्कार केंद्रे आहेत. याची प्रचिती या पाच महान विद्यार्थ्यांनी विविध क्षेत्रात मिळविलेल्या नावलौकिकाने आली आहे. मेजर जनरल अजित गद्रे, जी.जयरामन, डॉ.एम.सौम्य नारायणन, नागराज शर्मा आणि डॉ.रामचंद्रन नटराजन यांनी आपापल्या क्षेत्रात उत्तमोत्तम कामगिरी करुन समाजासमोर एक आदर्श निर्माण केला असल्याचेही मुख्यमंत्री फडणवीस म्हणाले.

आपल्याला समाजाने भरभरुन दिलेले आहे. ते आता समाजाला परत करण्याची वेळ आलेली आहे. प्रत्येक विद्यार्थ्याने समाजासमोर एक आदर्श निर्माण करण्याचे स्वप्न पहावे. समाजातल्या विविध क्षेत्रात काम करुन खरा हिरो होण्याचा प्रामाणिक प्रयत्न करण्याची आज गरज असल्याचेही मुख्यमंत्री म्हणाले.

सरस्वती विद्यालयाने अशा प्रकारचे समाजासमोर आदर्श निर्माण करणारे कार्यक्रम दरवर्षी आयोजित करावेत, अशा चांगल्या कार्यक्रमांना मी दरवर्षी नक्कीच उपस्थित राहीन, अशी ग्वाहीही मुख्यमंत्र्यांनी यावेळी दिली. 

या पाच जणांची निवड डॉ.सीमा सोमलवार, सत्यरंजन धर्माधिकारी आणि यशवंतराव कानेटकर यांनी केली. यावेळी परीक्षक मंडळाच्या सदस्यांनी आपले मनोगत व्यक्त केले.